#مشكلة_عضوه
انا معايا مشاكل كتير كتير جدا بسبب طليقى
انا ست منفصله من واحد لا يعرف معنى الرجوله انا معايا ولادين وبنت عانيت بمعنى الكلمه لحد ما ابنى الكبير خلص تعليم واخد شاهده واستلم شغله وعانيت اكتر لما بنتى اتخطبت وكنت بجهزها للجواز والحمد لله وبمساعده اهل الخير جوزت بنتى … الحمد لله انا ربنا معايا وسندى ابنى لما اشتغل ابوه اخده عاش معاه وورطه فى ديون وهو مبقلوش خمس شهور مستلم شغله ابنى مش بيقول لابوه غير حاضر ونعم ومبيصرفش علينا مليم لا هو ولا ابوه …انا باخد معاش والدى الله يرحمه …بسبب المعاش اخواتى افتعلو عداوه بنا كانى اخدت الورث منهم …
انا اخواتى خمس بنات انا الوسطانيه اختى رقم اتنين فى الترتيب من سنتين أطلقت من جوزها رسمى وقاعده معاه بعقد عرفى ودخلت في المعاش لأنها طمعت فيه وهى مكفهاس كدا علشان الناس غطوها فى هذا الفعل طلعت عليا انى مش كويسه انا وولادى سبحان الله يشاء ربنا أن حد من قرايبك جوزها قدم فيها شكوى والمعاش رجع ل. تانى انا ليا مرات ابويا بتاخد المعاش من خمسه وعشرين سنة لاكن لما انا اخدته هما حسو انا اخدت قلبهم من جوه المهم اختى الكبيره خالص حالتها الماديه ميسره جدا جدا وجوزها اتوفى انا استسمحتها تسيب لى المعاش لان انا ظروفى وحشه ومليش سند غير ربنا هى وافقت وبعد كدا لقتها هى واختى الصغيره متفقين ومودين الورق فى المعاشات وعملو معايا زى اختى التانيه ما عملت واكتر لما الناس لامت على الاخت الكبيره وازاى تعمل كدا طلعت عليا كلام هى واختى الصغيره انا زهلت لما سمعته وحصل بينى وبينهم مشاكل بسبب كلامهم لان اتصدمت منهم …
دول مش اخوات دول أعداء مرحموش ضعفى وقله حلتى ومشاكلى مع طليقى بصفه مستمره وان هو افترى عليا وعلى ولادى لانه بلطجى وشريب مخد*رات تعبت منهم والله العظيم حاسه اني بم*وت من كتر القه*ر والخواتى عملوه معايا وهما مش شايفين أنهم ظلمونى بكلامهم عليا وطمعهم فيا انا ساكنه ايجار وعليا ديون بسبب جواز بنتى وصحتى تعبت مبقتش قادره اشتغل انا طول عمري انا ال بشتغل وصرف على ولادى وهما عارفين ..وعارفين قد ايه انا تظلمت وياريتهم يراعو ربنا فى القيل والقال عندهم الفتنه دى عادى وانا والله العظيم يعلم ربنا انا الناس كلها بتشهد لى بحسن الخلق انا وولادى والحمد لله على نعم ربنا عليا بس انا حزينه من تصرفات اخواتى البنات ال مشفوش منى غير كل خير ولاقيت عندهم حقد هما وطليقى لايوصف وبيفتعلو المشاكل ولاقاويل حسبنا الله ونعم الوكيل
ايه الحل؟؟
