ليا اخت عندها ٤٠ سنة لسه آنسة وهى بتشتغل من وهى صغيرة من وقت ما بابا مات علشان تساعد فى البيت
لان معاش بابا مبيكفيش وماما صحتها على قدها وعقلها بيتوه شوية فبتقعد دايما فى اوضـ,ـتها تاخد العلاج وتاكل وملهاش دعوة بحاجة
وانا كنت لسه صغيرة انا دلوقتى عندى ٢٥ سنة واتخطبت لواحد كان زميلى فى الجامعة
واختى دى صعبة جدا يعنى اما ييجى بتقعد معانا مبتسبناش خالص نقعد لوحدنا كمان لو خرجنا لازم تخرج معانا واما اعترضت عللى بتعمله تقولى خـ,ـايفة عليكى وانتى مسؤلة منى ومحسسانى انها أمى وبجد بتضايقنى حتى بدأت أحس انها بتغير منى لانى اتخطبت وهى لاء
فقولتلها مش علشان بتساعدينى فى الجهاز تبيعى وتشترى فيا واتخانقت معاها وهى نفس الحكاية لحد مافيوم خطيبى قالى انه له ابن عم كان عايش برا وغنى ورجع عايز يتجوز لان
العمر سـ,ـرقه ومكنش عنده وقت ينزل يتجوز وهو عنده ٤٥ وبيدور على عروسة وقلى بفكر اقوله على اختك فقولتله بصراحة اختى صعبة ومقفلة وهيتعب معاها لانى بصراحة مش عايزة ندخل انا
وخطيبى فمشاكل
وقفلنا الموضوع المهم اما جه عندنا خطيبى كنت انا جوة
بغير هدومى طلعت لقيته قاعد معاها
وبيقولها على ابن عمه وبيوريلها صورته بعدين شوفته بصراحة كان شكله صغير وقمور بعدين قالها فكرى اتغظت منه انه قالها لانه وسكت لحد مامشى فكلمته زعقتله لانه شكله مختلف خالص عن أختى ومش هيعرف يستحمل طبعها وهندخل فى مشاكل بعدين كلمتها بجـ,ـس نبضها اتكسفت وسكتت
حسيت انها ميالة ليه لكن ماادتش رد بعد يومين لقيت خطيبى بيكلمنى
وقال انه جايب معاه حد قريبه علشان نعمل حسابنا بس مجاش فى بالنا انه هو ابن عمه وقعد وعرفنا ببعض بعدين خطيبى خدنى ودخلنا البلكونة علشان يسبهم يتكلمو فقعدت ازعقله
وانه ازاى يتصرف من دماغه من غير ميقولى والخناقة كبرت وراح قايلى ولقيتع فجأة طلع فيا فيما معناه انى بغير منها وانى خسـ,ـارة يكون عندى اخت زيها وكلامه جرحنى اوى وانا كل نيتى انى مش عـ,ـايزة ندخل فى مشاكل لانى عارفة اختى طبعها صعب ودلوقتى احنا متخانقين بس كلمنى ان اختى عجبت ابن عمه و عايز ييجى يتقدم رسمى ومستنىى اديله رد وقفل واختى متعرفش السبب بس عايزة اشهدكم هل يحقله يجيبه معاه من غير مايقولنا؟ و تصرفى مش معايا حق فيه خصوصا انها اختى واعرفها اكتر منه وكنت بحاول اقفل باب المشـ,ـاكل قبل ماتبتدى قولو الحق
#baraka_بركة
