مشـ،،ــكله عضوة
يا جماعه مامـ،،ــات خطيبي قالتلي تعالي اقعدي معيا يوم قولتلها تمام و بعدين رنت عليا قالتلي هتعملي اي بكره قولتلها مش هعمل حاجه العادي بتاعي هقعد في البيت قالتلي لا انا عوزاكي قولتلها تمام هجيب سما و اجيلك *سما دي اختي الصغيره* قالتلي لا تعالي لوحدك قولتلها ماشي هقول ل ماما و هجيلك قالتلي تكوني عندي الساعه 6 ونص قولتلها تمام ماشي وقولت لماما قالتلي روحي تمام مفيش حاجه و صحيت بدري رحت عند حماتي
وصلت على الساعه 8 كدا و خبط فتحتلي اخت خطيبي كانت لسا صاحيه من النوم سلمت عليها و دخلت لقيت حماتي قاعده على الكرسي و ماقمتش سلمت عليها بايدي و انا حاسه انها مدايقه ف قالتلي اي الي جابك 8 انا مش قولتلك 6 بصيت ل بنتها الي لسا صاحيه من النوم قولتلها والله عقبال ما صحيت طلبت اوبر و لبست و جيت لحضرتك قالتلي بلاش تطلبي اوبر تاني اتعودي على المواصلات العامة علشان انتي داخله على جواز لازم تقفي جمب جوزك في المصريف قولتلها تمام عادي هو انا اصلا مش بطلب اوبر على طول بس علشان متاخرش عليكي ف شويه و بنتها نزلت راحت الدرس قالتلي فطرتي قولتلها ايوا قالتلي طيب ادخلي اعملي مكرونه علشان العيال زمانهم جاين من المدرسه*ولادها* قولتلها تمام و دخلت
ملقتش صلصه بقولها قالتلي انزلي هاتي طماطم من السوق نزلت فعلاً و جبت طماطم قالتلي بكام قولتلها ب 8 ف زعقت و قالتلي انتي ازاي هتبني بيت و الطاطم ب 6 جنيه اصلا .استغربت و قولتلها هو فعلاً كان ف طماطم ب 6 بس مكنتش حلو و حضرتك بتحبي السلطه ف جبتها تنفع سلطه و صلصه شويا و بنتها جت خدتها و دخلو الاوضه هدتها و اتكلمو شويا و بعدين طلعو و بنتها خدتني و دخلني اوضة الاطفال و قالتلي هيا مش حكايت 6 و 8 هو كان اختبار بس انتي للاسف فشـ،ــلتي فيه بصيت ب استغربت و قولتلها طيب تمام انا همشي دلوقتي قلتلي
صدقيني مينفعش لازم تكملي اليوم حتي لو مدايقه و فعلاً كملت و قالتلي ادخلي انتي اعملي مكرونه عملت انا المكرونه و الولد اتغدو و قولت امشي قبل ما خطيبي يجي ف قالتلي هتمشي ليه قولتلها معلشي يا طنط بس مصدعه شويا علت صوتها و قالتلي تعبـ،،ــانه من شويت المكرونه ولا السلطه قولتلها حرام عليكي كفيا بقي لو مش عاوزاني اتجوز ابنك قوليلي و انا هرمي الدبله ف وشه بس انا بنت ناس مينفعش كل شويا تزعقي فيا كدا و عيط غصب عني و انا بتكلم بصوت عالي ف بنتها زعقت هيا كمان و قالتلي وطي صوتك صوتك ميعلاش على ماما ف سبتهم و انا منهـ،،ــاره من العياط حرفيا و خطيبي رن عليا 5 مرات و انا مش عاوزه ارد عليه و قررت هسيبو حتي لو هو عاوزني
عاوزه اعرف دا قرار صح ولا لا
