اللي في الصورة دي مش كابتن اكرامي وهو صغير دا ابنه احمد الكبير واخو شريف اكرامي.. مش كتير يعرفوا احمد اللي كان شاب قمة في الاخلاق والادب والذوق.. احمد لعب كورة في الاهلي وكان مميز واتصعد وهو 17 سنة عشان يلعب في فرقة عشرين سنة، وكان حارس مرمى منتخب مصر للناشئين تحت 17 سنة المنتخب اللي فاز ببطولة أفريقيا عام 1997 في بتسوانا وأحمد كان افضل حارس في البطولة، وبعدها مثّل منتخب مصر في كاس العالم للناشئين بمصر عام 1997..
كل دا كان بيقول اننا قدام حارس كويس.. لكن احمد لقى فرصته مستحيلة في الفريق الاول للاهلي خصوصا ان عندنا عصام الحضري، ومصطفى كمال، ومعاهم الحارس احمد فوزي.. فقرر يروح يلعب في الترسانة.. بس احمد اتعرض لاصا,,بة غريبة وقوية في الكتف.. خلته يعتزل الكورة خالص وهو 21 سنة.. احمد اعتزل الكورة، وركز في حياته.. مهم اقولك ان بين احمد وشريف 3 سنين.. وبعد شريف بـ 14 سنة كابتن اكرامي خلف بنت اسمها حبيبة.. وكان مستغ,,رب انه يخلف بنت بعد الفترة دي كلها.. بس اهو عطية ربنا خير..
احمد كان بيعيش اسعد لحظاته، وهو شخص شديد الادب والاخلاق، واللقاء الوحيد اللي موجود ليه، هتلاقي بيقول ازاي ان الصلاة والقرب من ربنا اهم حاجة لاي شخص عشان ينجح في شغله.. احمد حدد جوازه بعد اسبوع في فبراير 2006.. لكن قبل الفرح باسبوه بالظبط في 4 فبراير 2006 توفاه الله، وفاة طبيعية، من غير ما يكون بيعاني من اي حاجة ولا بيشتكي من اي حاجة.
كابتن اكرامي في لقاء في برنامج بيت العيلة، بيقول ان مكانتش فاهم ليه خلفت حبيبة بعد 14 سنة من استبعاد فكرة الخلفة تاني، لكن لما مات أحمد عرفت ليه ربنا اداني حبيبة بعد العمر دا كله.. كانت عوض عن احمد.. ربنا حب يعوضني عن أحمد بحبيبة اللي بقت نسخة منه.. بتعمله حركاته وبتقول نفس كلامه وهو طفل.. وحبيبة كبرت واتجوزت رمضان صبحي..
الله يرحمك يا احمد
#بهاء_حجازي
” دعاء للميت ”
اللهم ارحم من كان موته صدمه لم نتهيأ لها أبدا ..
وقلوبنا لم تستوعب موته 💔 حينما ندعي له دعاء الميت اللهم ان الشوق للميت مؤلم فاجمعنا به بجناتك يارب ..
اللهم إنه لم يضر أحد فلا تحرمه جنتك ولذة النظر إلى وجهك الكريم
في هذه الأيام ، اللهم ارحمه بقدر ما تمنينا له البقاء اللهم اذقه من النعيم ماوعدت به المؤمنين
اللهم ارحمه وأجعله من الضاحكين المستبشرين بجنتك يارب العالمين 🤲
يارب اغفر له بعدد ماسبح خلقك وبعدد ما لبى حجاجك يارب يا رحيم
اللهم ارحم من مات بالدنيا ولم يمت بقلوبنا ، اللهم أرحم أمواتنا وأغفر لهم وأنظر إليهم بعين لطفك وكرمك، اللهم ارحم من فارقونا رحمة تسع السماوات والارض اللهم اجعل قبورهم في نور دائم لا ينقطع واجعلهم في جنتك آمنين مطمئنين، اللهم أجعل عن يمينهم نوراً وعن شمالهم نورا ومن فوقهم نورا ومن تحتهم نورا حتى تبعتهم آمنين مطمئنين في نور من نورك يارب العالمين ..
اللهم ارحم من مات بالدنيا ولم يمت بقلوبنا ، اللهم أرحم أمواتنا وأغفر لهم وأنظر إليهم بعين لطفك وكرمك، اللهم ارحم من فارقونا رحمة تسع السماوات والارض اللهم اجعل قبورهم في نور دائم لا ينقطع واجعلهم في جنتك آمنين مطمئنين، اللهم أجعل عن يمينهم نوراً وعن شمالهم نورا ومن فوقهم نورا ومن تحتهم نورا حتى تبعتهم آمنين مطمئنين في نور من نورك يارب العالمين ..
