اخدت جوزي عن حب ٤سنين و اتجوزنا و الحياة كانت كويسة بينا و عندي طفل منه كان حوالي ٨شهور اكتشفت أن جوزي بيكلم واحدة و حاولت اقول أني أهملت شوية فبدأت اهتم بنفسي اكتر و احب نفسي وواجهته قالي لا مفيش حاجة ،طبعا عرفتها و هي اقنعت جوزي أنها أرملة و معاها طفل و أنا سألت عليها عرفت انها مطلقة و طبعا فضلت أواجه و في الاخر هي اتقدم لها واحد كانت بتكلمه بردوا غني و انا سيبت البيت و رجعت لاهلي بعدها بشهور رجعت معاه و طبعا كان بينا مشاكل و كانت هي السبب الرئيسي في المشاكل هو شايف انها حب حياته و كل شوية يقولي انها حب عمره و زعل أنها اتجوزت و سابته و سيبت البيت و رجعت لاهلي و طلبت منه الطلاق و قعدت ٤ سنين في بيت اهلي محاولش في أول سنتين يكلمني و انا مرفعتيش عليه قضية طلاق وبعدها اتكلمنا و اتفقت علي اني أخرج من بيت العيلة لانه كان فيه مشاكل و مفيش اسرار بينا و اهتم لابنك و حاول تعوضه عن اللي فات و مفيش تليفونك باسورد و رجعت و الحمدلله و نسيت اللي فات و كاني لسه عروسة و بحبه و هو في أول ٥شهور كان ممتاز و كنا بنحب بعض لحد ما بدا يتغير و بدأ يبعد و يعمل باسورد لتليفونه و يفصل نفسه في اوضة قولت سيبه يمكن مضغوط في شغله براحته و بعد مرور كذا شهر لقيته بيقول هيطلع عمرة مع إخوه قولت روح و ادعيلي و ابني عمره ٧سنين طلب من أبوه يجيب له لعبة من السفر رجع من السفر ابني سأله جبت اللعبة يا بابا قالوا لا حاولت افهم ابني أن بابا هيجيب له لعب كتير و أنه كان مضغوط في نفس يوم رجعته لقيت………..
رقم متسجل علي تليفونه بيرن عليه رنة و متسجل نور عيني اخدت الرقم دخلت علي التروكولر اكتشفت انها نفس اللي كان بيكلمها حاولت اكتم جوايا و فضلت علي وضعي وقولت بلاش تواجهي ومقدرتش بعد شهرين اكتشفت أنه اتجوزها بعد ما رجع من العمرة و طبعا انا من بعدها كنت ملاحظة تغير في أسلوبه و حتي معاملته ليا و تأخيره يدوب يجي علي النوم و طبعا دخلت في حالة انهيار عصبي و كل ما اقول اتقلمي و خلاص علشان خاطر ابني لكن للاسف مش قادرة و طبعا هو من يوم ما عرفت بيحاول يراضيني و انا مش متقبلة الوضع و كل كلامه غلطة و انا هصلحها طبعا اكتشفت أنه دفع لها تمن العمرة و كمان اتجوزها من ورا أهله و راح لأهلها بواحد صاحبه و كتبوا الكتاب ابوها مضاه علي وصلات أمانة و قايمة و بيحاول يتكلم معاها علي الانفصال هي مش راضية مع العلم أنه في بيته يدوب مصاريف البيت علي القد و انا كنت نزلت بعد ما رجعت معاه اشتغل علشان نقدر نوفر للبيت طلباته و كمان علشان ابني نحاول يعيش في مستوي كويس و بعد مرور سنة لحد دي الوقت اهلي ميعرفوش اتكلمت مع اخوه أنه يطلقني طبعا اخوه مكنش يعرف كل ده و كانت صدمته أنها كان معاه في العمرة و ميعرفش أنها كانت في الفوج و كانت صدمتي لما اتكلمت مع إخوه قالي أن لما سيبتي البيت و حصل بينكم مشاكل قعد معايا و مع امي و قال أنه اتفق معاكي علي الطلاق و هتاخـ,ـدي حقوقك و عرضت عليه اني اصلح بينكم و قالي خلاص بلاش احنا اتفقنا علي الطلاق و قالي أنه اقنعنا وروحنا مـ,ـعاه نتقدم لها و طبعا لأنها منتقبة امي قعدت معاها و خرجنا من البيت أمه قالت له ربي ابنك أولي بيك هتروح تربي ابنها اللي عنده ١٢ سنة و البنت دي مش كويسة واخوه مكنش عجبه البيت و لا الموضوع و رفض أنه يوافقوا على كل ده و انا يكتشف حاجات
المشكلة اني كل اما أواجه باللي عرفته أو اللـ,ـي اكتشفته ينكر و يكدب و يقوـ,ـلي محـ,ـصلش واجهته هتـ,ـكدب اخوك و امك كمان و كمان اكتشفت من كلامه أنه عمل معاها علاقة خارج إطار الزواج قبل ما يتجوزها ب٤ شهور
اتصلت بها لقيتها بكل بجاحة اقبلي الأمر الواقع و انا عمري ما هطلـ,ـب الطلاق و لا هو يقدر يطلقني سالتها انتي تقبلي لأختك الوضع ده ترد تقولي لا ابدا قولت لها ازاي تقبلي بوضع زي انك تعيشي زوجة تانية و هو مش مقدرته أنه يصرف عليكي و لا يقدر يظهرك في النور دي يدوب بيجي بعد الشغل يقعد معاكي ساعة كل يومين انتي ازاي قابلة ده تقولي انا مطلبتيش منه أنه يجي كل يوم و لا طلبت منه يصرف عليا و لا يجيب ليا اكل بكل بجاحة ترد تقول انا داخلة اعمل له استقرار في حياته
انا طلبت منه الطلاق و كان السؤال اللي جوايا رجعتـ,ـيني ليه مادام انت عاوزاـ,ـها و كمان في نيتك انك تتجوزها كنت مستني تخلص جوازتها التانية
انا دي الوقت مش عارفة اعمل ايه اقعد و اتاقلم و انا من جوايا بموت كل يوم و بعيط و علي قهرتي و انه كداب و لا ارجع لاهلـ,ـي واواجه اخواتي و يشمتوا فيا و كل شوية اسمع كلام منهم مع أن ابويا و امي عايشـ,ـين و حاسيـ,ـن اني عندي مشاكل بس مش راضية اقول و لا اتـ,ـكلم
#baraka_بركة
