روبابيكا العرايس

حسبى الله ونعم الوكيل في حماتى يارب بحق يوم الجمعة انـ,,ــتقم لى منها ياجماعه انا مقهو,رررة ومحروو,ق د.مى اوى ومش عارفه اعمل ايه انا ربنا العالم بحالى اتولدت يتيمه انا واختى كل اللى اعرفه ان ابويا و.قع من على سقاله وهو فى عز شبابه ما,,ات ربنا يجعله من الشهداء وامى بقت ارمله وهى فى عز شبابها وربنا حنن قلوب الجيران وكانو فى الاول بيسعدوها لحد ما هى اشتغلت دادة فى مدرسه خاصه وربنا تولانا برحمته وامى قدرت تكافح وتشتغل وعلمتنى انا واختى وربتنا على الأدب والاحترام والالتزام بعد ما اتخرجت من كليه التجارة ولاد الحلال جابولى شغل كا,,شير فى سوبر ماركت

مشهور وهناك اتعرفت على جوزى المحترم والله ما فى منه اتنين نعم الزوج وقبل ما يتقدملى فهمته ظروفنا وظروف امى وشغلها وحالتنا المادية وهو بعدها لاقتو مقدر الوضع فى كل حاجة كل ما يكون عليه التزام معين فى الشقة الاقى يقولى جيبى اللى تقدرى عليه واللى متقدريش ملكيش دعوة نجيبو فى بيتنا المهم مطولش عليكم هو كان مش بيحضر أمه فى اى حاجه خاصه بيه كان عليه الأجهزة والسجاد والصينى والستائر وساعه الفرش كانت أمه عايزة تحضر قالها لا سبيهم يفرشو براحتهم بجد جوزى ده احسن راجل فى الدنيا محبش انى اتفض..ح قدام أمه عشان كل حاجاتى قليله واتجوزت وعدت الليلة وساعه السبوع أمه بتقولى متفرجين ياختى دوولابك كده جايبه فيه ايه والنيش فرشتيه ا ازاى خلينى اطمن على ابنى لاقت جوزى بيقولها ياماما انا مبسوط وفرحان اطمنى بلا نيش بلا دولاب دى عروستى قمر

وماليه عليه دنيتى لاقيتها برقت و وشها اتخطف وراحت اخده بعضها وقامت وقبل ما تخرج وقفت قدام النيش وبصت كده وقالت يا حزنى انتى جايبه لابنى طقم صينى واحد وكاسات واحد امال فين طقم الشربات وطقم الجلى والقارورة والقهوة وطقم الكاكاو وقعدت تعد فى اطقم راح ابنها قال ماما تحبى اوصلك ولا هتمشي لوحدك ودخل راضانى وده كان أهم حاجه عنده المصيــ,,ــبه بقى واتمنى منك يا استاذة غادة تقوليلي رايك وهتابع الصفحه عندك ازواج لكن سعداء وهقرا التعليقات عشان اللى جاى ده صعب اووى اختى ربنا أكرمها بعديه على طول بشاب ابن حلال بردو وحصل ان امى قالتلى أنها مش قادره تجيب لاختى طقم الصينى عشان لسه طالعين من جوازتى والظروف على القد واختى مش بتشتغل فقولتلها ماما بقولك ايه انا هااعبى كل النيش بتاعى فى صناديق ونفرشهم عند اختى عشان نشرفها بس

هاخد راي جوزى سبحان الله لسه بقولو قالى أنه موافق ولو يقدر يجبلها جديد كان جاب وقالى أنه مش عايز الحاجات دي تانى مع انى كنت متفقه انى ارجعهم للنيش عندى وإن شاء الله هو هيملى النيش بتاعنا ويشترى كل شهر حاجه وكان مبسوط وفرحان جداا لاختى انا بقى أتفااجأت بعد ما اختى اتجوزت وحماتى طبعا فى الفرح بتقولى أنها هتيجى معانا السبوع فقولت عادى تلاقيها عايزة تجيب هديه لاختى وعدينا اخدنها يوم السبوع واول ما دخلت من باب الشقه جرت على النيش وقالت
…

بصوت عالى ايه ده انتم عيله كل حاجتكم روبابكيا وكله بيستعمل مكان التانى حسرة عليك ياابنى وبصت لامى وقالتلها ويترى اخدتى من دولاب ابنى البطاطين والملايات كمان كل ده كان صد.مه للكل لأن أهل جوز اختى كانو حضرين وكان اليوم ده سووواد على اختى العروسه وحزن على امى وجوزى زعل من أمه قولى اعمل ايه كلنا مد.مرين بجد هدخل اقرى التعليقات وجزاكم الله خيرا كل اللى هيقولى اعمل ايه وشكرا لمتابعي @ازواج لكن سعداء احنا فعلا في موقف لا يحسد عليه واختى مصممه ترجع الحااجه وجوزى زعل من أمه وجوز اختى قالها ايه اللى حمات اختك عملته فضحتو.نا وتتحول السبوع من فرح لحزن