انا جاي احكي لكم اللي حصل لي بعد 25 سنه وكلامي ده عشان خاطر كل الامهات والاباء يخلي بالهم من اولادهم صبيان او بنات انا النهارده كنت معديه قدام بيتي القديم ورجعت بالتاريخ لورا لما كنت طفله عندي حوالي سبع سنين او سته سنين انا مش فاكره بالظبط ايه اللي حصل ومش فاكره سني كان ساعتها كام المهم انا كنت زمان لما ماما تعوز حاجه كنت بنزل اشتريها لها من السوبر ماركت زي اي طفل في سني وخصوصا سوبر ماركت كان قريب جدا من البيت يا جماعه انا بحكي لكم الكلام ده لصفحه ازواج اللي كانت سعداء لاني عارفه ان تعليقاتكم محترمه
جدا مره ماما كانت باعتاني للسوبر ماركت عشان اشتري لها حاجات وبعدين لقيت الراجل بتاع السوبر ماركت بينادي عليا وبيقول لي عايزه ايه يا شاطره انا مش فاكره كنت عايزه ايه ساعتها فقلت له انا عايزه كذا يا عمو المهم دخل كده في مخزن جوه وبعدين طلع وقال لي تعالي يا حبيبتي هديك الحاجه من جوه انا استغربت بس عادي يعني كطفله عاديه دخلت وراه قلت يمكن هو الحاجه اللي هيديها لي جوه وبعدين لقيت عمو بيقرب مني يتبع…
وبيمسكـني من دراعي وبيقول لي الله شعرك جميل وشكلك حلو اللبس بتاعك جميل اللي انا كنت لابسه يعني عايزه اقول لكم بجامه او لبس بيت انا برده مش فاكره عايزه اقول لكم ان انا كنت ست سنين سبع سنين فانا مش متذكره غير ان الراجل ده كانت نظراته غريبه ساعتها وحتى كانت ايده بتلـ..مس جسـ.مي بطريقه غر.يبه وبعدين اللي حصل لي ان انا طلعت اجري وتعقدت من الراجل ده وللاسف امهاتنا زمان ما كانوش بيوعونا ان في حاجه اسمها تحررس وكانت ماما كل ما تطلب مني اروح اجيب لها حاجه من السوبر ماركت كنت ابقى مخنو.قه جدا وكنت ممكن اقول لاي حد من جيراننا يروح يجيبها هو او كنت ممكن ما اروحش اجيبها وخصوصا ان هو كان السوبر ماركت الوحيد اللي كان في المنطقه اللي انا عايشه فيها وعدت السنين وانا النهارده كنت معديه على نفس السوبر ماركت بس طبعا الراجل كان مش موجود الله اعلم بيه حصل له ايه منه لله حسبي الله ونعم الوكيل فيه بعتت المشكله النهارده على صفحه ازواج لكن سعداء
عشان اقول لكم خلي بالكم من اولادكم سواء ولد او بنت ما تامنوش ليهم ان هم يروحوا يشتروا حاجات سواء كان في الطريق او لاماكن ممكن يكون فيها مخازن او اماكن مغلقه مش قصدي ان انا اخوفكم بس انا قصدي ان لازم تخلي بالكم من اولادكم جدا جدا وتحافظوا عليهم دووول اولادكم امانه وخصوصا في الزمن ده ما تخليش اولادك يركبوا اسانسير او بنتك تركب اسانسير لوحدها يا جماعه ارجوكم ارجوكم انا يعني ممكن اكون اتوسل اليكم ان خلي بالكم من اولادكم وربنا يستر عليهم ويحفظهم
