الإبراشي: أم كلثوم قالتلك إيه أول ما شافتك؟ إزاي كان الانطباع الأول؟
نجوى إبراهيم: أم كلثوم أول ما شافتني في تونس بصت لي كده وقالت: “إنتوا جايبين لي عيلة صغيرة؟ إيه العيلة اللي جايبينهالي دي؟ متعرفش تقول كلمتين على بعض!”
يا نهار أبيض! زعلتني أوي، بس سكتت وما ردتش
الإبراشي: رد فعلك كان إيه وقتها؟
نجوى إبراهيم: سكت شوية وفضلت أكش، وبعدين قلت لها: “ممكن أقول لحضرتك حاجة؟”
قالت لي: “قولي يا أختي”
فقلت لها: “حضرتك الفستان اللي إنتي لابساه هيطلع وحش أوي في التليفزيون.. مش حلو ومش تليفزيوني”
الإبراشي: كانت رد فعلها إيه؟
نجوى إبراهيم: بصت لي باستغراب وقالت: “يعني إيه؟”
قلت لها: “علشان هو أبيض وأسود.. إيه رأيك نغير؟”
وقتها كنا لسه داخلين على التليفزيون الملون
الإبراشي: يعني إنتي اقترحتي تغير الفستان؟
نجوى إبراهيم: أيوة، وهي كانت جميلة جدًا وحادة شوية، لكنها قالت لي: “إنتي شايفة كده؟ طيب، روحي عند إحسان واختاري حاجة من الأوضة في اللوكاندة”
الإبراشي: إحسان دي كانت مين؟
نجوى إبراهيم: إحسان كانت مسؤولة عن ملابس أم كلثوم.. أول مرة في حياتي أشوف البراندات!
دخلت الأوضة، وفضلت أشوف حاجات زي كوتشي كنسجور وشاليماه، حاجات ما كنتش متخيلاها وفي الآخر اخترت تيير درجات الجراي، وطلع شكله حلو أوي عليها
الإبراشي: واضح إن العلاقة اتغيرت بعد كده؟
نجوى إبراهيم: أيوة، حبتني جدًا وكانت تسأل عني.. كنا في رحلة للمجهود الحربي، وكانت تسألني: “إنتي كلتي؟” أقولها: “أيوة”
تقولي: “كلتي إيه؟” أقولها: “تونة”
تقولي: “حليتي؟” أقولها: “أيوة، آيس كريم”
الإبراشي: الحكاية بقت ودية جدًا
نجوى إبراهيم: جدًا، وفي الآخر صورتني مع الناس، وقلت للمخرج إني هعدي على بيتها في الزمالك أودي لها الصور
وأنا ماشية، ندهت على إحسان وقالت لها: “هاتي لنجوى العلبة”
لقيت فيها أربع علب تونة ضخمة، كل واحدة تقريبا سبعة أو تمانية كيلو.. قعدت أنا والعيلة والجيران ناكل منها!
الإبراشي: واضح إنها بقت بتحبك جدًا بعد الموقف ده
نجوى إبراهيم: فعلًا، العلاقة كانت مليانة مواقف إنسانية حلوة جدًا
منقول من
#تليجراف_مصر
سعر الدولار اليوم فى بنك الإسكندرية
وعند مستويات 50.25 و50.35 جنيها للشراء والبيع على التوالي يتداول سعر الدولار أمام الجنيه بفروع بنك الإسكندرية.
سعر الدولار اليوم في البنك التجاري الدولي
وعكست شاشات التداول بفروع البنك التجاري الدولي اليوم سعر الدولار مقابل الجنيه ليسجل 50.25 جنيها للشراء و50.35 جنيها للبيع بالتعاملات المسائية.
سعر الدولار اليوم في بنك فيصل الإسلامي
فيما سجل سعر الدولار مقابل الجنيه المصري اليوم فى بنك فيصل الإسلامي، 50.25 جنيها للشراء و50.35 جنيها للبيع.
