#_مشكله_جديده
أنا أطلقت من جوزي الطلقه التالته وهو حب عمري وأنا اللي طلبت الطلاق لي أسباب كتير ممكن اي حد يشوفها عادي بس كانت بنسبة ليا كبيره هو كان كويس معايا في حاجات كتير وبيحبني ودايما وأنا معاه القي بيشكر ربنا عليا وإني العوض ليه وكنت برتاحه في وجوده جدا وهو كمان جوزنا استمر تلت سنين وشفت فيهم الحب كله معاه
بس هو في طبع وحش جدا وقت الغضب كانو مايعرفنيش وكان دايما يستخدم معايا طريقة الصمت العقابي وممكن مايكلمنيش بالشهر او اكتر وأنا اللي اكلمه واصالحه حتي لو غلطان عشان بحبه ومش بحب الخصام وكل مره كنت باجي علي نفسي وقول مش مهم اهم حاجة اكون معاه لحد اخر مره خاصمني شهر ونص وتعبت ودخلت المستشفى وعرفته في اليوم اللي هخرج فيه ولقيت رد فعله غريب
مسالش عليا غير تاني يوم في التليفون أحنا كنا اتصالحنا أول الاسبوع وكان عندي ولما مشي تعبت جدآ وهو كان بيكلمني وسمع صوتي كنت بموت مجاش ولا سال في الفون حتي غير تاني يوم خروجي من المستشفى وهنا قرارت اني اسيبه حتي لو روحي فيه
المشكله دلوقتي إني مش قدره أنسا وفات علي طلاقنا شهرين كنت الأول رفضه ابكي بس قلبي هو اللي بيبكي
دلوقتي هو بيوحشني اوى ومش قدره ومش عارفه انساه وبتمنا نرجع بس صعبان عليا نفسي وكمان ممكن مايكونش في رجوع أساسا عشان دي المره التالته
في تفاصيل كتير مش هحكيها عشان مطولش عليكم
للعلم أنا زوجه تانيه وفي محافظة وهو في محافظة تانيه وهو منفصل عن الأولي من قبل مانتجوز
أحنا كنا بنحب بعض جدا كنا عشاق مش أحباب حضنه ليا كان بالدنيا كلها أقسم بالله كنت بتنازل عن حاجات كتير في سبيل اكون معاه كان في حاجات حلوه كتير بينا كنا أصحاب وكل حاجه لبعض كان غنيني عن اي حد مكنتش عاوزه حد في الدنيا دي غيره بس هو طبعه وقت الغضب صعب اوى مقدرتش اتحمل كنت بحتوي علي قد مقدر عشان مخسرهوش بس هو المره الاخيره عارف انه قصر معايا ولما طلبت الطلاق ماحولش يتمسك بيا
علي فكره أنا واثقه انه بيحبني لحد دلوقتي ومش هيعرف يحب بعدي
أنا مش عارفه بكتب ليه بس مش لقيا حد أحكي معاه
اللهم صل وسلم وبارك على سيدنا محمد وعلى اله وصحبه وسلم
