أنا لسه راجع من عند أهل مراتي بعد خناقة كبيرة معاها في بيتنا إتسببت في إنها تسيب البيت وتروح عند أهلها، أنا وهي كان الشيطان راكب دماغنا لدرجة إننا فعلاً كنا مستغربين اللي بنعمله بس مستمرين في الخناق والزعيق، لمّت هدومها ونزلت السلالم وأنا إستـ,ـغفرت ربنا ونزلت وراها.
أول ما قربت منها بعدت عني خوفًا مني إني أكون جاي وراها أرجعها البيت بدون إرادتها، بس أنا كنت ماشي جنبها عشان ماينفعش أسيبها تروح لأهلها في الوقت دا لوحدها، وماكنش ينفع ارجعها البيت لإننا كنا هانكمل خناق من غير تفاهم.
فُضلنا ساكتين لحد ما ركبنا مواصلة ووصلنا لبيت أهلها، أول ما دخلت البيت حسيت إنها إستـ,ـردت قوتها وبقت في أمان، كان الوقت إتأخر شوية فقولت لعمي “أنا وعدتك إنها لو زعلت اجـ,ـبهالك بنفسي لحـ,ـد البيت ومسبهاش لوحدها” ومشيت من غير أي كلام تانـ,ـي.
وأنا جاي في الطريق جه في دماغي لو حصل وبنتي زعلت في يوم، إيه الحاجات اللي هابقي منتظر إن جوز بنتي يعملها عشان أتأكد إن بنتي إختـ,ـارت صح.
وفرحت إني أثناء المشكلة ماشـ,ـتمتـ,ـهاش ولا هنتها ولا فكرت أتطاول عليها، إني خوفت عليها تمشي لوحدها حتي في عز غضبي، إني مالوتـ,ـش دراعها وقعدتها غصب عنها مع إني كنت قادر أحلف عليها بس انا لما إنفعـ,ـلت خافت مني وحسيت إنها محتاجة تهرب، إني إحتـ,ـرمت الوقت وماكـ,ـلمتش أهلها في حاجة ولا حبيت أشتكي منها في وقت إنفـ,ـعال فأدينها بكلامي.
حسيت ساعتها إني الزوج اللي أي ست تتمناه، عدي الوقت في اللاشـ,ـيء وجهزت نفسي عشان أنام لقيت إتصال منها، غريبة إنها بترن خصوصًا إنها بتصدر جدًا في مواضيع الخناق دي.
رديت ف جه صوتها “إتعشـ,ـيت ولا لسه” رديت بثقة “أه، جبت ربع فرخة وأنا راجع، عـ,ـايزة حاجة”
سكتت شوية وبعدين قالت “أنا أسفة جدًا مع إنك غلطان، بس إنك تيجي توصلني للبيت وتسمحلي اروح لأهلي في وقت زي دا يغـ,ـفرلك أي حاجة تانية، بس إنـ,ـت…” وقعدنا نتعاتب علي الحوار من بدايته.
وفي أخر المكالمة قالتلي “روح كُل بقي، إنت نزلت من غير محفظتك واللي أنقذك العشرين جنيه اللي كانت في البنطلون، حِلل العشا علي البوتيجاز سخن وكُل”
ضحكت وقولت “وأروح أجيب الأستاذة أمتي بقي؟!”
ردت “أنا جاية بكرا إن شاء الله”
“حكيـ,ـتي لأهلك حاجة!”
“لا، قولتلهم إننا شدينا مع بعض وطلبت منك توديني عندهم أفصل شوية وارجع بكرا”
وهي كمان…طلعت الست اللي اي راجل يتمناها♥️
“الخناق حاجة روتينية، االتـ,ـفاصيل هي كل الحكاية” وتبقى ساعه شيطان وتعدى بس الشاطر اللى ميخليش الشيطان يتملكه
احب هذا الزوج اللـ,ـى فى ساعه الغضب لم يستمها ولم يهينها ولم يعايرها بما يعرفه عنهاوعن أهلها .واحيى الزوجه لأنها لم تتطاول على زوجها وتغلط فيه بس صدقوني لو هو غلط وشتمها وعايرها كانت غصبا عنها ردت عليه
الراجل المحترم زوجته هتحترمه غصبا عنها.
