البداية هى تكوين الشخص
فى واحد بيشوف الغلط واتعود انه ميتكلمش وواحد تانى بيشوف الغلط ولو فيها نهاية حياته بيتكلم .
كنت فى وظيفه محترمه ومنصب يتمناه اى شاب . عربية . شقه تمليك . حساب فى البنك ومكنش ناقصنى اى حاجه وكنت مدخل بناتى مدارس دولية .
وبرغم كل ده لما شوفت غلط فى شغلى من فساد واهدار مال عام اتكلمت وحاولت اكون سبب فى التغيير للافضل .
ولكن تم اضطهادى وتحويلى للتحقيق ونقلى تعسفيا لمركز اقل بالكثير مما كنت فيه .
كانت صدمتى الكبيره مش فى كل ده . الصدمه الكبرى فى زمايلى واصدقائى فى العمل لما كانوا بيبعدوا وبيتفرجوا عليا وكأننى مذنب او لص لا يجب التعامل معه .
زاد كل ده بالفصل التعسفى من عملى فى عام ٢٠١٦ . ومن هذا الوقت الى الان والقضية العمالية فى المحاكم ولم تفصل فيها نهائيا حتى الان .
١٠ سنين واسرة واطفال لا دخل لهم ولا حياة لهم ولا مصدر رزق لهم .
ومن شغل لشغل لشهور كثيرة بدون عمل .
نقلت بناتى لمدارس اقل من المستوى السابق بكثير .
وربنا رازقنى بزوجة اصيله متحملة وصابرة ولم ولن تطلب. اى حاجه ابدا .
والبنات نعمة من عند الله زى زوجتى بالظبط لا يطلبون شيئا وراضيين بالموجود .
وده اللى مسببلى الكسرة من جوايا انى مش قادر اسعدهم ولا افرحهم .
مرت السنين وبنتى الكبيره فى ثانوية عامه ولا قادر اواظب على دروسها واحافظ على مستقبلها ولا قادر اوفر ليهم الامان وسداد ايجار الشقه بسبب الظروف وضيق الحال .
اليوم اللى بيعدى عليا بتشاهد فيه انه عدى بمصاريفه ولكن مفيش نوم ولا راحه ولا استقرار .
يدخل رمضان وعيد ومدارس ولا فيه اى طعم لاى حاجه خالص .
عارفين بعد كل اللى فات لما تبقى اسرة فطارهم وسحورهم فول وعيش
عارفين لما يدخل عيد وتتسول الكعك والبسكوت من الناس علشان تفطر بناتك .
انا مش ملاك طبعا وعارف انى اخطأت كتير وممكن اكون ظلمت ناس كتير واولهم اسرتى .
وعلشان كده تعبت ووصلت لمرحلة مبقتش عايز اكمل فى الحياة
لما تلاقى عمرك ضاع وضاع معاه كل حاجه وكل امان يخص اسرتك وتلاقى نفسك السبب فى كل حاجه حصلت ليك وليهم .
علشان كده خلاص قررت انى مكملش
تعبت ومبقاش فيه اى قدرة على اى احتمال خالص .
وبلاش حد يقولى ارجع لربنا وصلى
لانى الحمد لله بصلى وعارف ربنا كويس وليا ورد يومى لقراءة القرءان .
بس اللى وصلتله ملهوش اى علاقه بايمانى خالص .
يمكن لما مكونش موجود وابعد نهائيا عن اسرتى يكونوا فى وضع افضل ليهم وترحمهم الناس بسبب فقدهم ليا .
اسف للاطالة .
برجاء الدعاء لى بالرحمه وليهم بالستر والعون من عند الله .
