لو سمحت انا سيده معنـ،،ــفه من قبل زوجي
عندي مشـ،،ــكله عايزة اعرضها علي الصفحة واتمني من ربنا انكم تهتموا وتدعموني انا ام وعندي طفله وعايزة محامي يجيبلي حقوقي ومكان اعيش فيه
ومحتاجه مشروع اعيش منه
انا خريجه دبلوم تجارة سنه 2003 عندي دلوقت 35 سنة اتجوزت شاب وانا عندي 21 سنة في بدايه جوازنا مكنش في انجاب اتجوزته بدافع الحب في بيت والده ووالدته معاهم في نفس الشقه وقلت انهم ناس كبيرة وهتعبر انهم اب وام ليا بما اني يتيمة الام بعد الجواز حماتي كانت كويسه معايا جداا بتعتبرني زي بنتها وكنت بخدمها لكن حمايا طبعه صعب كل حاجه كان يطلبها مني بالشخط والزعيق كنت بستحمل عشان جوزي في البدايه مكنش بيحب يزعلني كان عندي سلفه متـ،،ــسلطه وبتغير بطريقه وحشه جداا مني وتفضل تقول لحمايا وحماتي كلام مش بيحصل مني اني قولته وانا معرفش حاجه عن اللي بتقوله ابتدوا يتهمـ،،ــوني اتهامات اني بشتم عليهم للناس والكلام ده مكنش بيحصل ابداا والله جوزي ابتدا يتغير معايا لان حماتي بقيت تعصيه عليا وتقوله انت دلدول بقي يضربني لحد مافي مرة ضربني كنت حامل مكنتش اعرف واجهدت من الضرب ابتدوا يعايروني لاني اتاخرت في الانجاب من بعد الاجهاض وبعدها لقيت نفسي حامل بعد سنتين من الجواز متحمله ذلهم وقهرهم فيا وربنا كرمني ببنتي وبعد ماولدتها نزلت دورت علي شغل واشتغلت في حضانه جنب البيت وكنت بااخد بنتي معايا وبقيت اصرف علي نفسي وجوزي امه كانت تعصيه عليا وتخليه يضربني عشان اقعد من الشغل واشتغلها زي الخدامه بعدين عملت جمعيه وقدرت اصب في نفس البيت نصف شقه في الدور الرابع وطلعت قعدت فيها وقلت هرتاح بعيد عنهم ماسابونيش في حالي لحد مافضلوا ورايا لغايه ماحماتي وسلفتي خلوني اطلب الطلاق بعد 6 سنين جواز واتطلقت فعلا منه لان معاملته كانت وحشه جداا ليا وكان سليط اللسان وبعد ماانفصلت عنه الناس اتدخلت في اني ارجعله عشان البنت تتربي في وسط اهلها ورجعت فعلا بس المرة دي
واجرت شقه بعيد عن اهله وعشت بس اكتشفت انه مدمن بعد مارجعتله من 3 سنين بعت دهبي عشان احاول اشتري عفش لما عرف اني معايا فلوس ضربني وسحلني وخفت اعمل فيه محضر احسن يقتلني زي ماكان بيهددني عشان ارجع البيت والناس قالولي اديه فرصه تاني عشان خراب البيت لحد مافي مرةخلاني واقفه في المطبخ ودخل قالي انتي مين ومسك مفك وضربني بيه في دماغي دمي ساح علي الارض ووقعت وروحت المستشفي لكن مرضتش اعمل محضر عشان خفت منه طول الوقت خايفه منه
ومرة تانيه ضربني دخلني العنايه المركزة ومش عارفه اعمل ايه واروح فين ماليش مكان غير اني استحمل الذل والاهانه والضرب بسبب اني ماليش حد اروح عنده والا عندي سكن تاني
اسكن فيه ماليش مكان ومرضت ومبقتش بقدر اشتغل والا اعمل اي حاجه بقيت عايشه في رعب طول الوقت خايفه منه انسان مدمن سكير معندوش رحمه والا قلب وصلت بيه الدرجه انه يفتري ويدوس علي اكتر حد اتحمله في الدنيا دلوقت انا مش عارفه اطلق منه لاني ماليش مكان
معنديش اي دخل حتي اصرف بيه علي نفسي وعلي بنتي
عايزة محامي يقف جمبي ويساعدني لوجه الله ويجيبلي حقوقي
