السلام عليكم انا انسه وحبيت راجل متجوز هو كان صريح معايا قالي انو بيحب مراته بس عاوز زوجه تانيه وانا وافقت بس الظروف مكنتش مساعده أن احنا نتجوز هو بيحبني من حوالي 6سنين بس مصارحنيش غير من سنه وعرف مراته انو عاوز يتجوز وقالها عليا بدأت المشاكل هو زميلي في الشغل واكبر مني ب11سنه وعاهد ربنا انو عمرو مهيسبني ولا هيبعد عني واستمرينا مع بعض سنه وكان مخليني اسعد بنت في الدنيا وكانت بتواجهنا مشاكل مع مراته وكان هو بيحلها وللاسف رجعت من العمره كان بيكتبلي علي الوتس مراته شافت الرسائل وقعدت تحسبن دخلنا انا وهي في كلام وشدينا مع بعض وبعديها بيوم لقيت رساله بيقولي فيها انا مش هقبل بالاهانه او الكلام اللي حصل وبنا شغل بس انا بصراحه افتكرتها هي رديت عليها قولتلها انتي تعبتيني وتعبتي نفسك ايه اللي يرضيكي وانا هعمله اتفاجات بانو هو اللي بيقولي انا اللي بكتب رديت قولتله لو سمحت فويس لقتها بتلقنه الكلام اتص&دمت قولتله اللي بنا انتهي اخدت اجازه جوالي 5ايام من الشغل وانا كنت لسه مرجعتش شغلي وقابلته صدفه في الشارع لقيته بيكلمها في التليفون وهو
متيم انا فعلا اتصدمت وموجو,,عه وحصل تجـ,ــاوزات بنا انا والله كنت موافقه أن احنا نكون اصحاب وحاولت اقرب منها بس صدمتي كانت في هو كان واخد عهد الله علي نفسه انو مش هيسبني وقالي لو خيروني بينك وبين بيتي هختارك وانا رفضت انا زعلانه جدا علي نفسي ومش هنكر اني بدعي عليه لأنه خلاني غضبت ربنا وهو معايا في الشغل انا بتعامل عادي بس من جوايا موجوعه جدا اني قبلت بحاجه وهو اللي كان بيجري ورايا وبيقنعني بيه مش هقولك طبطبي عليا بس فعلا مش عارفه اعمل ايه واتجاوز الموضوع ده بعد مبعني وخاف علي بيته مع أنه كان بيقولي انا كنت مش عايش كان مراته واولادها مصلحتهم وبس وعملت كل خير معاه مع اني لما بشوفه بحس انو عاوز يقول كلام كتير وبحسه مجبور علي اللي عمله انا عوزه أتجاوز المرحله ده وارجع طبيعيه زي مكنت تاني
#رايي_الشخصي
وعليكم السلام ورحمة الله وبركاتة
حبيبتي ❤️
والله م عارفة اقول أية من كتر ما اتكلمت علي الراجل المتجوز
_ الموضوع المألوف جدا أنة بيدخل عليكي أنه حكايته ضايعة مع مراته .. بس دة جدد أنه بيحب مراتة وبيحبك من ٦ سنين طب ٦ سنين + سنة يبقي ٧ أو حتي الإجمالي ٦ سنين متكلمش خلالهم ليه ودخل دوغري ؟!
طب بعد ما اعترف أنة بيحبك من ٦ سنين وبيحب مراته ومعرفها أنة هيتجوز متقدمش ليه ؟
متقوليش ظروفه معلش هو عارف ظروفة من قبل ما يعلقك
حرام عليه أنة يكون عايز يقضي وقت لطيف ويضحك عليكي
= بعدين متزعليش مني مستنيه أية من مراته المسكينه أما تعرف أن جوزها بيحب بنت تانية وهيتجوزها عليها ؟!
مستنيه مباركتها ليكم ؟!
_ واكبر دليل علي كدبه أنه أول ما عرفت هو قلب قصادها ( قطة ) وقالك انتي مجرد شغل وبس .. وعلشان ربنا يظهرلك اكتر خلاكي تشوفيه بعينك وهو بيحب في مراته قدامك ..
= هي صعبة بس كل دة كان بايديكي وبارادتك انتي عارفة ومتأكدة أن آخره الراحل المتجوز كدا مليون قصة بنفس النمط
حبيبتي الراجل بيفضل يملأ دماغ الست أو البنت بالحب علشان حاجة واحدة ( التجاوزات ) واول ما بيعملها هيمشي اول ما يحس نفسة بيتورط
طول م انتي ساكته وقابلة ومفيش نكد منك ولا زن ولا مراتة عرفت هيبقي زي الفل اول ما تـ ـزني ع الجواز أو مراته تعرف انتي هتكوني كبش الفدا بالمعني الحرفي
دة هيحسسك انك ولا حاجة بعد ما تضحي بكل حاجة
= حته ( التجاوزات ) دي اللي بتدخلك مرحلة ادمان تعلق
ليه ؟
علشان أثناء ما بتحصل سواء فون أو حتي بشكل حقيقي أو حتي تخيل ( الجسم بيبدأ يفرز هرمون الاكستوسين ومنافذ الجسم تتقفل بقوة ويفرز الهرمون دة بكميات كبيرة ف تحسي أن الشعور دة اول مرة تحسيه بالتالي اول ما يتمنع هتحسي بأعراض انسحاب ودي اصعب حاجة لانة عامل بالظبط زي اعراض انسحاب المخدر من الجسم )
بيكون صعب وبيدخلك في مود صعب جدا والآلام جسدية ونفسية ومدة اكتئاب طويلة المدي
الا !!
لو انتي
١_ بدأتي وقررتي انك تتعافي وتمشي في طريق التعافي
٢_ تتنقلي أو انتدبي الي اي مكان تاني بعيد عنه
٣_ فضي مشاعرك كلها كلها في البكا وراودي نفسك واضعفي متكتميش عيطي قدر المستطاع
٤_ اعترفي قصاد نفسك انك حبتيه متنكريش واسمحي للمشاعر تخرج ولكن مش هتفضلي تحبيه
٥_ خلي الصورة الأخيرة منه هي الطاغية وقارنيها بكدب البدايات وشوفي ايهم اصدق الصورة الأولي اللي كلها ورد وكلام كدب ولا الأخيرة اللي باعك فيها بمنتهي الرخص؟
٦_ تتخلصي من الشاتات وارقامة واي حاجة بينكم هدايا سواء مج اماكن مسدچات اكونتات اي حاجة بينكم حتي ولو صديق مشترك يا ريت تتجنبيه
٧_ ابعدي عن الدائرة بتاعته خالص ولو حد من دائرته كلمك ك اصدقاء تعاملي عادي بس متسمحيش لحد لا يجيب منه كلام ولا ياخد منك كلام الأمر انتهي
٨_ انتي افضل بكتير منه ع الأقل واجهتي وكان نفسك تصلحي موقف وكنتي مستعدة تصاحبي زوجته علشان تهدأ الأمور لكنه مطلعش راجل في كلامة معاكي
٩_ صلي كتير القرب من ربنا في المرحلة دي واجب
١٠_ جددي في حياتك بلاش روتين حاولي انك بدل روتين كل يوم تغيري فيه سواء اماكن أشخاص عادات جديدة لبس شكل نمط حياة
١١_ طبعا مصادر هرمونات السعادة كتير ( غير الراجل يعني 🤣 والله دول ما مصدر سعادة دول مصدر النكد ) 😂🤭
بس مصادر هرمونات السعادة كتير غير الحب
زي اي
( التعرض للشمس / الشوكولاتة الدارك / الجري / المشي مسافة / الوجود بين صحبة حلوة / تغيير نمط روتين الحياة اليومية / الانجاز / النجاح / الچيم / بعض الخضراوات والفواكه بتحسن المزاج )
١٢_ اعملي لنفسك خطة يومية بحيث انك تقدري تطلعي من يومك انجزتي حاجة
١٣_ ضروري تعملي جدول مقارنة الفترة دي بينك وبينه بين تضحياتك وتضحياته بمعني الجدول يشمل إيجابيات وايجابياتك سلبيات وسلبياته تضحياتك وتضحياته تنازلاتك وتنازلاته وشوفي مين فيكم اللي بيحب التاني بشكل واقعي وقدم علي أرض الواقع حلول
١٤_ متستصغريش نفسك ( كلنا بنضعف وممكن نحب ناس مينفعش نحبهم ومش هينفع نكون معاهم ) بالعكس اهي تجربة مفروض تخرجي منها متعلمة الصح من الغلط
١٥_ اعرفي حكمة ربنا من الموضوع علشان تتعلمي الدرس وتتجنبي انك تعيدي الغلط مرة تانية
١٦_ اوصيكي بالكتابة وافلام الموڤ اون
١٧_ تمارين فك التعلق مهمة هتلاقيها ف الجروب هي وخطوات فك التعلق
١٨_ سامحي نفسك ومتبقيش جلاد كلنا بنغلط بس الفرق أن في مننا بيتعلم وفي لا
١٩_ متقلقيش حقك راجع راجع لانة عشمك واعتبرت الالم اللي انتي فيه ربنا بيطهرك من ذنب التجاوزات
٢٠_ اوعي تفكريله بمعني ( هو بيحس أية / شايفني ازاي / حاسة أنة مجبور / صعبان عليا / أصله تعبان )
معلش يعني هو راجل وبالغ وعاقل وعنده بيت وعرف يقنعك كل دة مكنش قادر ياخد قرار هو في راجل بيتجبر
قوي قلبك متبصيش عليه انتي مصعبتيش عليه علشان يصعب عليكي
ربنا يقويكي
Writer Iman
