أب رجع من شغله ودخل على أوضة النوم يتطمن على ابنه الرضيع اللي لسه مكمّلش أسبوعين، وأول خلفته، الأم نايمة على السرير من التعب ومش دريانة بالدنيا، والوقت عصرية، وقت قيلولة، الأب اتفزع، لف البيت كله، صحا الأم بهستيريا: الواد فين؟!
الأم مذهولة، ابنها اختفى، الأهل اتلموا، والجيران، والرضيع فص ملح وداب.
المكان قرية تابعة لمدينة الأقصر، والحرامية في العادة بيسـ،ـرقوا البهايم والأجهزة والدهب لو موجود، لكن مفيش حرامي نط على بيت وسـ،ـرق عيّل رضيع!
اتعمل بلاغ بالواقعة، والمباحث بدأت في تحرياتها فورًا، وكل ناس القرية مترقبين، الوشوش فيها ذهول والتساؤلات بلا إجابة.
في عربية من عربيات القطر المكيف اللي طالع لسه يدوب من الأقصر صوت طفل بيبكي، الرّكاب بيدوّروا ومش عارفين مصدر الصوت، بيلاحظوا وجود كرتونة فوق، الصوت طالع من الكرتونة، بيفتحوها: طفل رضيع مكمّلش أسبوعين!
ست من الرّكاب بتتطوع وترضّع الطفل اللي كان جعان، بعد ما مباحث القطر بعتت إشارة لمباحث المحطة، كاميرات المحطة بتتفرّغ، أوصاف الكرتونة بتنطبق على كرتونة شايلاها واحدة دخلت بيها نفس عربية القطر، وطلعت من غيرها، الرضيع بيتسلم لمحطة قنا، وعربية إسعاف بتاخده تسلمه لمحطة الأقصر، في نفس الوقت اللي بيحصل تواصل مع مديرية الأمن والأقسام وبيعرفوا إن فيه أب مبلّغ عن اختفاء رضيعه، الأب بيستلم ابنه وبيتعرّف على الست اللي ظهرت في الكاميرات، كانت مرات أخوه اللي خلفتها بنات، واللي كان مستحيل الشك يروح ناحيتها بأي شكل من الأشكال، خطفت رضيعه وتفكيرها الجنوني أوحالها إنها تطلع بيه على المحطة وترميه في قطر جوا كرتونة وتحسّر أبوه وأمه عليه!
الصدفة وقدر ربنا رجّع الرّضيع لحضن أهله خلال ساعات قليّلة، الرّضيع اللي كان ممكن أنفاسه تتكتم جوا الكرتونة فيموت، أو يضيع بين المحطّات في رحلة عبثيّة!
الست بيتقبض عليها، والواقعة مرعبة، الدوافع ملتبسة، ما بين الحقد والمكايدة والغل والغيرة، والجريمة غريبة ومش معتادة وأشبه بالأفلام، مؤلمة وقاسية وصادمة، لكن الواقع مليان حكايات أغرب من الخيال.
شغلانة البنات الجديدة ..
فيه مجموعة منظمة بتعلن عن وظائف للبنات والسيدات في الجروبات ..
لما بنت بتبعتلهم بيكلموها مكالمة صوت ماسينجر .. واللى بتكلمها بنت .. او واحد معدل صوته لبنت .. علشان تطمن وعلشان هدف تاني هقولهولك في اخر البوست ..
وتقدم نفسها على انها موظفة تسويق في شركة تدريب نماذج ذكاء اصطناعي الهدف منها صناعة افلام الانيميشن .. وتبدأ تبعت شوية صور على شوية لينكات..
.
طب المطلوب؟!
صور بجودة عالية لمساقط الوجه .. امامي جانبي يمين شمال .. بالحجاب وبدون .. علشان نماذج الذكاء الاصطناعي تتدرب عليها ومحدش هيشوفها ابدا ومش هيتم نشرها بأي شكل.
وافقت بيدفعولها فلوس فعلا .. وتفرح بيهم ..
فيقولولها ممكن تشارك في تدريب تاني على الجسم .. ومطلوب منها تبعت صور لجسمها .. مش نودز .. بليجن و بيزكس مجسمة .. ومن زوايا مختلفة ..
.
.
سواء البنت وافقت على المرحلة التانية او لأ ..
العصابة دي بتاخد الصور دي وتعمل Face swap لأفلام ابـ،ـا.حية ..
يعني بيجيبوا فيلم اباحي جاهز .. يشيلوا وش البنت فيه ويحطوا وشها بالذكاء الاصطناعي .. ومكالمة الصوت في الاول بيعملوا بيها موديل لصوت الضحية .. وبرضو بالذكاء الاصطناعي بيعملوا Voice swap للصوت .. يعني بيسجلوا الاصوات والكلام اللى عايزينه و بيخلوا الذكاء الاصطناعي يغير الصوت لصوتها .. فكدا بقى صوت وصورة ..
.
وهاتك يا ابتزاز .. بدايتها مطالبة بارجاع الفلوس اللى اندفعت ..
وبعدين طلب مرة في التانية في التالتة .. فلوس فلوس فلوس ..
وطول ما البنت بتدفع الدنيا بيس والفرخة بتبيض بيضة دهب ..
لما خلاص بح والبنت متلاقيش حاجة تسرقها من فلوس ابوها او دهب امها .. الفيديوهات دي بتترفع على تيرابوكس وبتتباع باشتراكات على قنوات تليجرام .
.
.
الموضوع دا بقاله شهر تقريبا وبينتشر بسرعة البرق ..
وبمراجعة تفاصيل اكتر من حالة .. فتتبع الناس دي شبه مستحيل ..
#منقول_للتوعيه
