السلام عليكم ورحمه الله وبركاته
انا شاب تزوجت من ١٠ شهور بالظبط وحصل حمل سريع و بعد اول ١٥ يوم زواج زوجتي بدئت علي أقل كلمه تغضب و تكرر الموضوع دا اكتر من ٤ مرات و بداء المشاكل و الحياه اسودت في وشي و لسانها يطول عليا و مقصره في البيت علي حساب الشغل و غضبت بعد ١١ يوم من رجوعها من غضبه دامت ٤٧ يوم بعدين اشتكتني في المحاكم و بقالنا ٦ شهور في محاكم و قرف و طبعا مطلعه علينا سمعه سيئه اني كنت مجوعها و مش بصرف عليها و كلام كتير و غلطت في حق والدي و ولدتي و اخواتي كمان لدرجه والدي قلبه تعب من الحزن و القهـ،ـره و دخل عمليات قلب
كل فتره نتكلم انا وهي و بنصحها بالدين و بالعرف و بالحب و مش بلاقيها شاريني ولا باقيه علي الحياه و متطلبه و بتتشرط و للاسف ملهاش كبير يترد عليه غير اخوها الي هو اصلا ملهوش كلمه و والدتها ست صعبه جدا و التلاته زوجتي و والدتها و اخوها الغرور نفسه متواضع عنهم قسم بعزه جلاله الله غرور و استحقاقيه فوق الوصف
انا راجل شرقي مش بيعجبني الحال المايل ولا الست المسترجله و لكني بحبها و باقي علي بيتي و في كل غضبه كنا نروحلها كذا مره عشان ترجع و نعتذر رغم انها مبهدله الكل و ترجع تتمادي في غلطها اتهمتني هي و اهلها مره اني سقط حملها بسبب اني بحط عليها ضغط نفسي وربنا ارد يبرئني و روحنا للدكاتره طلعت حامل و الجنين في نبض و الحمد لله ولدت علي خير في ميعادها
برغم انها غضبانه و رافعه عليا قواضي و قاعده في بيت ابوها و بتقول اني مكنتش بصرف عليها وبرغم انها كسرت حلفاني و متابعه مع دكتوره غصب عني طول فتره حملها دفعتلها حق الولاده و جبت مستلزمات الطفل و لما ولدت بقيت اخر من يعلم بردو عرفت انها ولدت رغم اني قولتلها اول لما تحسي بطلق عرفيني و بردو كان مليش لازمه ولا اي حق اعرف
ولما سميت الطفل علي اسم والدي المريض من ساعتها حرماني منه و لا راضيه حتي تديني صوره الطفل و لغايه الان دخلين في شهر مشوفناش ابننا و معانده في الاسم و بتندهله هي و اهلها باسم غير الي ثبته في الحكومه
دلوقتي المحامي بتاعها راجل ابن حلال و عايز يصلح وليها شروط و عايزه شقه برا بيت اهلي
هل بعد كل دا ارجعها و اوافق علي طلباتها عشان خاطر ابني ولا اكمل في المحاكم ذي م عملت للعلم حلفت اكتر من يمين مش هاخد شقه و النهارده حلفت بالطلاق مش هاخد شقه لان شقتي لسه و الله مكملناش شهر فيها و ظروف شغلي مش مستقره من ساعه لما هي دخلت حياتي
مع العلم حولنا اكتر ١١ من مره نصلح و هما الي كانو بيرفضو و مره قالتلي هرجع و هات اعمامك روحت بيتهم اخوها تطاول عليا و مد ايده عليا
انا مهندس بترول و هي دكتوره و احنا الاتنين سننا كبير ٢٧ سنه يعني مش صغيرين ولا جهله يعني عشان محدش يقول سنها او تعليمها
هل دي تصلح تبقي زوجه ؟
انا بصراحه قلبي بيتقطع علي بيتي الي اتخرب بعد شهر زواج و ابني قره عيني واول فرحتي الي حرماني منه
و كرامتي ورجولتي مش قابلين دي زوجه لأنها عنيده و مستقله ولا تقبل امر الطاعه و فوق كل دا ملهاش اهل يترد عليهم وقت الجد بالعكس بيقوها علي الغلط و ديما عندهم استحقاقيه
للعلم انا بتعصب و صوتي بيعلي لما بغضب لكن قسم بالله كنت مراعي ربنا فيها حق مراعيه
كل مره بصلي استخاره الموضوع بيقف
مره صليت ورحت اجيبها اخوها مد ايده عليا
امبارح صليت استخاره علي اساس هنقعد امبارح بردو الموضوع وقف و كل مره الموضوع بيتعقد هي هتستلم القايمة قريب خلال اسبوعين ولو استلمت طبعا مش هيبقي فيها رجوع تاني
دلوني علي الخير
تابع ☜ هدوء
