انا جوزي عملي لغبطه في حياتي بيدخل في كل تفصيله وطبعا بيدخل في كل قراراتي على الرغم اني وانا في بيت ابويا كان ابويا الله يرحمه بيدنا كل الحريه ومعاها المسؤوليه عشان لما نحب ناخد قرار ناخده صح
المرادي يا استاذه غاده انا محتاره في القرار اللي عايزة اخده وخصوصا ان جوزي عمال يزن عليه فانا حابه اسمع من متابعينك في صفحه ازواج لكن سعداء القرار السليم ،انا ابويا لما توفى كان سايب لينا ورث قسمناه انا واخواتي علينا بما يرضي الله انا اخدت شقتين في عمارة ابويا بس جوزي كاعاده الله يسامحه قعد يقولي انتي واخده اوحش شقتين والشقيتين واحده منهم اخر دور وانا اقوله انا راضيه وهو مزهقني المهم قعد يزن عليه ابيعهم واجيب شقه اكبر وفي مكان احلى عشان ابننا واكتبها بأسم ابني قولتله لا انا ح أجرهم وفعلا اجرتهم
شقه منهم اجرتها لست ومعاها ابنها صغير وامها ومن يوم ما سكنوا وجوزي يسألنهم امال فين جوزها هي جوزها فين قولتله انا المهم عندي الايجار بيجيني اول كل شهر ،لغايه ما روحت في يوم اركب الغاز للشقه التانيه وكانت فاضيه يوميها قابلت ابن الست وسالته عن مامته قالي يا طنط ماما بتشتغل الصبح في مستشفى وبليل بتقف على الناصيه تعمل شاي وقهوة قولتله طب وابوك فين لاقيت الولد اتفجع وقالي اصل احنا يا طنط هربانين من البلد عشان ابويا عايز يقتل امي وانا كل شويه انزل من البيت اروح اطمن عليها وارجع البيت اطمن لا احسن ابويا يجي لستي ويموتها بردو
طبعا انا اتصد،،مت من اللي قالو وحسيت ساعتها ان في خطر على الشقه وفي نفس الوقت الست وابنها وامها صعبانين عليه وانا مش عارفه ايه طبيعه الخلاف ده انا خايفه يا استاذه غاده وخايفه اعرف جوزي يقولي مش قولتلك طب اتفضلي مشي الست دي من البيت وانا الصراحه فلوس الايجار دي بتنفعني كتير ياريت وخصوصا اني مأجره شقه واحده والتانيه لسه ،ياريت الناس عندك على صفحه ازواج لكن سعداء يقولولي اعمل ايه واظن الولد رغم انه في تالته ابتدائي بس مش ح يكدب ولا يخترع قصه من الهوا انا محتاره ومش عارفه اخد قرار
استغفرك ربي واتوب اليك
سبحان الله وبحمده سبحان الله العظيم
لا اله الا انت سبحانك اني كنت من الظالمين
الحمد لله رب العالمين
