بنت زي اي بنت اتقدم لها عريس وحلمت بفستان ولحظات السعادة اللي هتعيشها معاه ،كانت كل، المشكلة انه مسافر بلد تانيه يشتغل ،عملوا فتره خطوبه وسافر وفضلت علاقتهم تليفونات، رتبوا الجواز واتجوزوا وبعد الجواز بشهر سافر، قالها الغربه مش هتطول متقلقيش بس سنه اتنين تلاته والغربه طالت وبقوا 7سنين سفر نزلها فيهم 3 او 4 مرات كل مره اسبوعين وطبعا ربنا ماانعمش عليهم بالولاد ،كل ماتشتكي يصبرها استحملي عشان نبني بيت استحملي عشان نجيب ارض لعيالنا اللي هنربيهم، اصبري عشان نجيب عيال تعيش مرتاحه وندخلهم احسن مدارس ونأمن مستقبلهم، ولما تثور وتغضب وتقرر تروح لاهلها يقولها انا طلعان عيني هنا عشانك وانتي، بتدلعي وبتشتكي، لحد مانزلها اجازه بعد7سنين مده شهرين في الصيف اللي فات
كانت متحمسه تجيب طفل وتلحق عمرها اللي اتسرق منه 7 سنين لحد ماوصلت لـ30 سنة راحت لدكتوره عشان تجهز، ”نفسها للحمل الدكتوره فجرتلها المفجأة في مشكله عندك هتمنع الحمل وخاصه بعدالفترة الطويله دي اللي محصلش فيها حمل ” خرجت من عند الدكتوره الدنيا سوده في عنيهاً ،تلف من دكتورة لدكتور ومن دكتور لمستشفي متخصص لحد
ما كلهم اجمعوا ان مفيش امل والامل ضعيف اوي ،قررت تقعد وتستسلم للامر الواقع وتنسي فكرة الاطفال دي للابد ، جوزها فهمها انها عنده بالدنيا وانه كان ممكن هو يكون عنده المشكله دي ، وانه هو سبب في انه اتاخروا ولازم يستحملوا غلطتهم، كانت مرعوبه من سكوت جوزها وانه هادي بالمنظر ده، لحد مافي يوم يشاء ربنا انها تقلق من النوم بليل ومتلاقيش جوزهاا قامت تدور عليه لقته نايم عالكنبه وبيكلم واحده بالتليفون وبيقولها حبيبتي طبعا بقت مش قادره تتكلم فضلت واقفه تسمعه وهي اصلا مش مستوعبه الموقف
لحد ماخلص وفجأته باللي سمعته وطلبت منه تفسير وقدام ضغط منها وخناقه جامده بينهم حكالها
متجوز من خمس سنين وبعد، سنتين من جوازهم، واحده اخت زميله فالشغل سوريه ومخلف منها ولد وبنت وحامل في الطفل التالت محستش بنفسها من الصدمة وقعت من طولها وجالها جلطة ومتعرفش حتي هو نقلها المستشفي ازاي
بعد مافاقت واستقر وضعها، طلبت الطلاق ورفض وحاول يبرر موقفه بالغربة وانه اتجوزها بس عشان تعفه عن الغلط والزنا، وانه كان ناوي انه ميكونش في حمل بس مقدرش يخليها تتخلص من ضناه ، بعد مفاوضات بين اهله واهلها وخلافات سابها معلقه وسافر لمراته وولادده، سابها تندم علي عمرها وشقاها واستحمالها حتي حرمها بانانيته نعمه الامومة قالتلي ‘لو كان بس جالي طفل كنت ممكن اسامح عيشت مغفلة 7 سنين وطلعت فوقهم خسرانه كل حاجه ، تقدري تقوليلي اعيش ليه فالدنيا دلوقت انهي سبب يخليني اتمسك بيها يخليني احبها
انا كرهت حتي نفسي ملامحي، وشكلي وهدومي كل حاجه بتفكرني اني كنت حماره ومضحوك عليها.
