قصه حقيقيه فيها عـ,ـظه
استاذ نصر ممكن لو سمحت نشر رسالتى بدون اسم لتكن عظه لسيدات هذه الايام
أحيانا كثيره تجبرنا الحياه ووسوسه الشـ,ـيطان والنفس الاماره بالسؤ علي فعل أشياء مشينه ومعاصي جـ,ـثام واحيانا كبائر ..
ولاكن ،،،،
دائما هنا امل في التوبه
نعم التوبه مهما كانت الذنوب التي نفعلها ونقوم بها ،،
حكايتي باختصار وواقع قمت به من تقريبا ١٧ عام او يزيد،،،
أنا بنت جميله ومتدينه وهاديه بطبعي بشهاده الجميع
ولي اخين ولاد لأب كان موظف بمركز مرموق وأم سيده منزل من الدرجه الاولي (الله يرحمهم الاثنين)
تخرجت من كليه الآداب جامعه القاهره وفي هذا الوقت كان ما زال اخوتي في التعليم ،،
تزوجت زواج صالونات من ابن احد معارف بابا،،،
تزوجت وكان زوجي يعمل في شركه جيده محاسب وكان راتبه ممتاز وكان انسان مهذب ومتدين نوعا ما ،،،
بعد خمس شهور من الزواح تغير الحال ١٨٠ درجه مع زوجي
فقد قرر ان يترك العمل ويذهب الي شرم الشيخ والعمل هناك في فندق خمس نجوم براتب افضل مما كان عليه هنا
ذهب الي شرم علي حد علمي انه سيعمل محاسب كما كان ولاكنه كذب علينا وذهب وعمل هناك علي الدي جي في صاله ديسكو كان يعمل بها من قبل وانا لا أعلم
اتصل بي بعد ان تحسنت أوضاعه هناك وأجر شقه مفروشه وقال لي تعالي الي شرم الشيخ فحجزت وسافرت له وكان استقباله رائع لي
قال لي انه يعمل في الفندق بالليل (شفت ليلي) فكان ينام طول النهار والليل كله في عمله كما اعتقد محاسب
زهقت من القعده لوحدي لاني لسه لا في حمل ولا اولاد واخبرته
فجاء لي بيوم وقال تعالي اعرفك علي صاحبي ومراته هما جيران لينا في العماره فذهبنا وتفاجأت ان صاحبه متزوج من اجنبيه جميله جدا شكلا وروح
واتضح لي أن زميله ايضا يعمل بالليل ويذهبوا سويا الشغل
وقال لي ممكن تتعرفون علي بعض انا ومرات زميله وتبقوا تقضوا وقت فراغكم مع بعض الي ان نعود من العمل هو وصديقه،،،
تعرفت عليها
وكانت تأتي عندي وانا اذهب لها حتي أصبحنا أصحاب جدا
وفي ذات يوم بالصدفه اخبرتني ان زوجي وزوجها يشتغلون علي مكـ,ـسر دي جي في بار في فندق
قلت لها مستحيل فزوجي يعمل محاسب ،،، قالت شوفي الفيديو ده لزوجي وزوجها وهما في البار علي الدي جي ورقـ,ـص وشرب واخر مسـ,ـخره ،،،،، لم أظهر لها في هذا الوقت غضـ,ـبي ولاكني يوجد نار في داخلي ،،،، جاء زوجي في الصباح وواجهته بما قالت مرات صاحبه ولم ينكر اتخانقنا وضربني وقالي ان كان عاجبك ولو مش عاجبك نطلق قلتله ماشي انا ماشه علي بيت اهلي لما تشوف لي حل ،،،
نزلت القاهره وحكيت لبابا وماما اللي حصل
بابا زعل جدا ،،،،،
وماما هدت الموضوع وقالت دي فتره طيش ولما يخلف اولاد هيعقل ويشوف شغل احسن، ومش مشـ,ـكله عيشي مع جوزك علي اي وضع مش عاوزين فضـ,ـايح والناس تشمت فينا وتقول بعد سته شهور اتطـ,ـلقت
المهم انا قعد حوالي اسبوع او عشر ايام بعديها زوجي اتصل بي وقالي مش هتيجي ولا هتعمل ايه قلتـ,ـله سبني يومين افكر
اتكلمت مع ماما قالتلي سبيني انا وهكلمه براحه بدل ابوكي العصبي ده اللي هيـ,ـخرب عليكي
واتصل بي زوجي ردت امي عليه وكلمته بالراحه وقالتلوا انت ليه عملت كده (هو كان بيحب ماما خالص)
المهم بعد كلام كتير قالت له اني هسافر له بكره
هو فرح اوي اني خلاص هسافر وهرضي بالأمر الواقع
بس انا من جوايه مش مقتنعه باللي بيحصل
سافرت ليه وعملي استقبال جميل وقالي دي فتره وهتعدي لعند لما الاقي شغل واخدني وصاحبه ومراته وسهرنا في البار اللي هو بيشتغل فيه وشوفت حاجات انا اول مره اشوفها ولا كنت متخيله اني اشوفها رقـ,ـص وشرب وبنات وشباب وتقريبا انا الوحيده اللي محجبه
المهم احنا كنا قعدين انا ومرات صحبه بس وفي مكان بعيد بس شايفين كل اللي في الصاله وعن قرب
طبعا اتعمل لينا احلي واجب والتربيزه اترصت أصناف أشكال وألوان اكل كتير ومشروبات [خمو ر] الترابيزه حرفيا مكنش فيها مكان خالي
مرات صاحب جوزي طبعا اجنبيه وعادي بتشـ,ـرب
لقتها بتعملي كأس بسببي عليه شويه خمره وقالتلي اشـ,ـربي عشان تفكي كده وتبقي مبسوطه ،،،
انا تنحت ليها وقولتلها انا عمري ما شربت الحاجات دي ،،، فضلت تتحايل عليه وانا أرفض وفي الاخر لقتها بتقولي عشان خاطري دا انا حاطه نقتتطين والباقي بيبسي المهم بعد إلحاح شربت والطعم بيبسي بس في شويه اختلاف قالتلي ها حاسه بحاجه قلتلها ولا حاجه قالتلي هايل شوفتي بقي اهو ولا حاجه المهم انا كنت جوعانه فأكلت انا وهيه والاكل كا تحفه وهي كل ما الكأس يفـ,ـضي تملاه لعند ما لقيت رأسي بتلف قولتلها وانا بضحك هو انا سكرت ولا ايه؟ وقضيناها ضحك اول مره اضحك الضحك ده في حياتي، وقمت رقـ,ـصت انا وهيه في مكانا اللي هو بعيد عن الناس تماما ،،،، كنت طايره في الهوا زي الريشه
المهم البار شطب وجه جوزي وقالي يلا نروح قولتله انتوا خلصتوا بدري ليه قعد يضحك وقالي هي مارينا شربتك حاجه قولتله مش عارفه وانا عماله اضحك واحـ,ـضن فيه وابوس فيه
خدني وروحنا وكانت ليله ولا الف ليله انا وجوزي حبيبي في ذلك الوقت ،،،
نمت صحيت بعد المغرب كان جوزي بيجهز نفسه عشان ينزل ونزل ،،،،
لقيت التليفون بيرن الو لقيت مارينا الو انتي لسه صاحيه ايوه بتعملي ايه قولتلها العادي قالت طيب ما تيجي قلتلها هاخد شاور واجيلك علطول، ،،،
روحت سألتني ايه عملتي ايه امبارح حكتها ودنا نضحك ،،،هي كانت بدخن لقتها بتديني سيـ,ـجاره وكأس ختهم علطول من غير ما اقول حاجه،،
ومن يوميها كنت مانعه جوزي يجيب خمره البيت عاد بيجيب وسـ,ـجاير لقيت الحكايه حلوه تماديت فيها وبقينا نشرب سوا وناكل سوا واصبحنا انا ومرينا اكتر من الأخوات
اكلم ماما تقولي عامله ايه اقولها بخير وتسمعني مبسوطه تقولي طيب الحمدلله ربنا يسعدكوا ،،،طيب يا بنتي مفيش حمل ولا حاجه اقولها لسه يا ماما ومرت الايام وجوزي قعد من الشغل وكانت اقسي فتره في حياتي ضرب واهانه وحلفان بالطلاق لعند مكنتش مستحمله حكيت لماما قالتلي تعالي سبيكي منه ،،،، روحت كان هو رمي علي يمين طلاق بالتلاته ولا راجعه فيه لأنها كانت آخر طلقه ،،،، راح سأل شيخ قاله إطعام ستين مسكين او تصوم شهرين ،،،المهم لقي شغل تاني وراح طلع ٦٠ وجبه عشان يرجعني تاني ،،،، بعد محاولات كثيره منه ومن اهله رجعتله تاني وكنت كملت حوالي سنه معاه ،،، رجعت وكانت رجعه مش لطيفه لانه اتغير ١٨٠ درجه عصـ,ـبي لأبعد الحدود واشياء كتيره مش ضروري لأنها مش مفيده كل أنواع المحـ,ـرمات عملناها انا وجوزي
لعند ما صحيت في يوم وقلت خلاص مفيش حل انا لازم اطلق منه وارجع لصوابي تاني توبت لله وبدأت اصلي وبطلت الشرب وبطلت السـ,ـجاير والتزمت خالص خالص ،،،،
هو مش عجبه الوضع راح مطلـ,ـقيني تاني طلاق بإئن
روحت علي بيت بابا وقولتله انا لا يمكن ارجعله تاني خلاص كده انا كرهت نفسي معاه ،،،،، قالي انا قلتلك من الاول
بابا جاب باباه وتكلموا مع بعض علي الانفصال بدون شوشرة وفعلا حماية اداني كل حاجه وأطلقت من جوزي وانا لسه مكملتش ال ٢٤ سنه ،،،،،
٢٤ سنه مطلقه
قعدت في البيت مع بابا وامي واخواتي صلاه وعباده وصوم وتوبه نصوحه لله بس انا من جوايا مدمره
قعدت سنه بالظبط لعند ما الحمدلله بقيت كويسه وأرجعت لطبيعتي تاني بفضل الله
الفتره دي كان ليه واحده صاحبتي الانتيم من ايام الكليه ومتخرجين مع بعض وهيه كمان اطلقت بس كان معاها ولد كنت بروحلها وهيه بتجيلي ،،، وكان اياميها النت لسه جديد مكنش منتشر ولا كان في فيس بوك ولا حاجه مكنش فيه الا( الاسكايب) ومكنتش اعرف يعني ايه نت اصلا بس صاحبتي استاذه كانت بتتعرف علي ناس كتير عشان تتجوز وتقولي فلانه اتجوزت من علي النت وفلانه وفلانه سافرت مع جوزها من علي النت
وانا بدور علي اي حد يكون كويس من علي النت ارتبط بيه
قولتلها ازاي راحت معلماني وعملت ليه اكونت وعرفتني ازاى ادخل واكلم الناس علي اساس ان انا قاعده بتسلي وبضيع الوقت الممل جدا ،،،،كان كله علي جهاز كمبيوتر لاب توب كانت عمتي جيباه ليه من امريكا
في يوم دخلت علي اكونت واحد لقيته كاتب كلام حب ورومانسيه جميل بعت ليه طلب صداقه لقيته قبل الطلب
اتعرفنا طبعا من غير اسمي الحقيقي ولا حتي صورتي بس كلام وخلاص كل يوم نتكلم كلام عادي وهو كان مسافر بره مصر
حكالي عن ظروفه واحواله وانوا متجوز ومخلف بس مراته مكنتش مريحاه وكانت علطول غضـ,ـبانه عن أهلها وهو كان ناوي علي الطلاق بس انا قلتله بلاش عشان خاطر الاولاد
وانا لقتني بحكيله علي كل حاجه عني وبالتفصيل
المهم في يوم قالي انا عاوز اشوفك افتحلي الكاميرا فتحت الكامره صعق لما شافني وقالي يخـ,ـربيت كده ( ايه الجمال ده ) وكلام كتير خالص وبدأ يصرح لي بحبه لي وان هو عاوز يتجوزني وينزل يتجوزني وهسافر معاه علطول بس من غير ما حد يعرف إلا اهلي بس يعني جواز رسمي علي سنه الله ورسوله
وهو اصلا من محافظه بعيده عن محافظه القاهره (محافظتي)
اتعلقت به خالص وحبيته من قلبي كنت بنام علي صوته واصحي علي صوته كان ونعم الشخص ربنا يباركله وعاهدني امام الله ان هو هيتجوزني
المشكله كانت ازاي هقول لأهلي عليه عرفته ازاي وانا لا بطلع بره ولا بخرج ولا حد بيشوفني ولا يعرفني وهو كمان لا جارنا ولا قربنا ولا اي حاجه
قالي سبيها للظروف وربنا يسهل لما انزل
كنا انا وهو في حكم المتجوزين علي النت كان بيصحي علي صوتي وينـ,ـام علي صوتي حبينا بعض لدرجه الجـ,ـنون بجد كنت بفتحله الكاميرا وانا بشعري وحصلت تجاوزات كثيره جدا بيني وبينه وبعتله صوري وفيديوهات ليه كانت خادشه للحياء وكنت بحاول ارضيه باي شكل وهو كمان كان يتمناه الرضي لي
نسيت صحبتي والبيت وماما وبابا واخواتي وكنت معاه هوه بس لدرجه كان كل اللي يشوفني يقولي ايه الحلاوه دي رجعت اهتم بنفسي والبس شيك وميك اب ودلع الدلع
صاحبتي قالتلي يا بت انتي بتحبي ايه الحلاوه دي قلتلها انا بعشق مش بحب انا دايبه في حبي الاول والاخير قالتلي لازم اشوفه اتصلت بيه علي السكايب اتكلمت معاه وهي كانت قاعده في جنب شافته قالتلي دا عوض ربنا ليكي
وسمعت كلامه معايه قالت اوعي تسيبيه
المهم عدت الايام والشهور وحصله ظرف طارئ في مصر وكان لازم ينزل يستقر غصب عنه
نزل مصر وانا عارفه كل حاجه عنه اسمه الحقيقي المحافظه والبلد وعنده كام عيل واساميهم واسم مراته وأخواته وأمه وكل صغيره وكبيره عنه
وقولتله انا عمري ما هتصل بيك عشان مسببش ليك مشاكل بس ابقي انت طمني ولو بكلمتين في ايميل او تلفون او رساله بس اطمئن عليك
نزل مصر واستقر ولاكن مع معارضه مراته لنزوله حصل مشاكل بينه وبين مراته كالعاده بس المشاكل كانت شديده ووقفت علي الطلاق وهي غضبانه عن امها وعاوزاه يرجع يسافر تاني وهوه مش عاوز يسافر تاني لان حالتهم الماديه كانت كويسه
المهم بعد حوالي شهر من نزوله لقيت اتصال من رقم غريب مردتش اتصل تاني وتالت وعاشر لعند بعدها بكام يوم قولت ارد اشوف مين اللي بيتصل (لانه كان غير رقمه اللي كان معايه) برد اول مسمعت كلمه الو قلبي كان هيقف كنت في اوضتي لوحدي وعماله افكر هو راح فين والحـ,ـزن ماليني ورجعت دبلت تاني بعد ما كنت ورده مفتحه ،،،،
الو ايه يا شيخ حـ,ـرام عليك لا انا عارفه انـ,ـام ولا عارفه اكل ولا عارفه اعيش حياتي وفضلت اتكلم بتاع ١٠ دقايق وهو بيسمع ويضحك لعند ما خلصت قالي خلاص
راح حكيلي كميه النكد والقرف والعننه من ساعه ما وصل مصر وان مراته قعدت اسبوع معاه خصام في البيت لما عرفت انوا نازل نهائي ومش راجع وخدت العيال واحت عند اهلها بقلها شهر وراح يرجعها قالت ليه قعادك كوم وانا كوم تاني هتقعد. يبقي ننفصل هتسافر يبقي هرجع
قاللها لا مش راجع وخليكي عندك ولا يهمك ايه حاجه وسبها ومشي وقعد بعدها شهر وبعدين اتصل بيه
والله انا عزرته وقولتله انا اسفه ان كنت انا السبب قالي انتي ايه اللي دخلك في الموضوع الموضع عشان السفر
المهم قالي عاوز اشوفك علي الطبيعه قلتله مستحيل انا مطلعش بره اساسا قلي اتصرفي
حكيت لصحبتي قالتلي محلوله انا هتصل بمامتك واقولها انك هتيجي تقضي اليوم معايه وقد كان اتفقنا علي يوم
ونزلت لما هو وصل للمكان اللي اتفقنا عليه كانت ايام ثوره ٢٥ يناير وكانت الدنيا دايكه خالص انتي فين قلتله انا موجوده وانت قالي يابنتي انا في المكان اللي اتفقنا عليه بس زحمه الناس مخلتناش نشوف بعض
لعند ما اتقابلنا الوش في الوش تقريبا خمس دقايق واقفين نبص لبعض ونضحك وفجأه دمـ,ـوعي نزلت من الفرحه جري عليه وخدني في حضـ,ـنه وانا مش مسدأه ان انا شايفاه
انتبهنا لقينا الناس بتبص علينا وبيقولوا متخلوا الحجات دي في البيت علي اساس ان احنا متجوزين ضحكنا ومشينا وفي أرقي مكان في القاهره دخلنا كافيه وقعدنا حوالي خمس ساعات الساعه الاولي باصين لبعض من غير ولا كلمه لدرجه ان الجارسون جه ومشي مرتين تلاته واحنا ولا حاسين
في الاخير لقينا الجرسون بيقول انا هفضل اروح واجي كتير يا استاذ دي تالت مره اجي لحضرتك
اتأسفله وطلب احسن حاجه في الكافيه واتغدينا والوقت عدي في لمح البصر مفقتش الا لما طلعت التليفون من الشنطه لقيت ١٥ مسدكول من صحبتي بتقولي يا زفته بقالي تلات ساعات بتصل بيـ,ـكي واخوكي اتصل بيكي كام مره كان عاوز يعدي عليكي عشان يخدك معاه وتروحي وانا قولتله هي نزلت مع اختي يشتروا حاجه وحايين 😂هي بتكلمني وانا اصلا مبردش عليها في الوقت ده راح اخد مني التليفون وكلم صاحبتي واتأسفلها وقالها مسافه السكه هتلاقيها عندك ،،،،، وانا اقوله مش دلوقتي قالي يلا مش عاوزين مشاكل 😥قومنا ووصلني لعند صاحبتي وانا في دنيا تانيه والله اكني بحلم ومش عاوزه اصحي من الحلم خالص💙ودعنا بعض وانا عيني بد,مع😥مسح دموعي وقالي هانت🤲
مشي وعلي التليفون لعند ما روحت وهو كمان وصل بيته،،
تكررت المقابلات وكل مره اذداد تعلقي بيه وهو أيضا
وذات يوم قال لي لازم تكلميهم عندك في البيت عشان اجي اتقدملك كنت ساعتها طايره فوق السحاب بس رجعت بسرعه نزلت علي الارض ازاي هفاتحهم في الموضوع
او حاجه عملتها لما رجعت قعدت مع ماما لقتها بتقولي انتي لما بتروحي لصحبتك بترجعي منوره كده ليه ووشك بيضحك وحساكي طايره من الفرح ،،،، قولتلها اقولك الصراحه
انا بحب 💚قالت وبعدين قلتلها علي كل صغيره وكبيره من يوم ما عرفت الشخص ده لعند القاعده اللي بينا الان
قالتلي لو كلامك عن الشخص ده زي ما بتقولي يبقي دا ملاك مش انسان بس المشـ,ـكله عياله ومراته (هيبقي حرام علينا نخـ,ـرب بيوت الناس عشان نعمر بيتنا) هي دي النقطه الوحيده اللي ممكن تخلي بابا ميوفقش قلتلها (هروح انا ميـ,ـته فيها )
قالتلي خلاص احنا نخلي اخوكي الاول يقابله بره ويشوفه ويقعد معاه ويتكلم معاه ويدينا رأيه وبعدين نشوف هنعمل ايه مع بابا،،،
ماما حكت لاخويه ان في واحد متقدملي وعاوزاك تقايله الاول بره وتشوفه وانا اتفقت معاه علي المعاد وفعلا جه وتقبلوا في مكان هادي علي النيل وقعدوا مع بعض يجي ٥ سعات واخويه بيقولي ده ميتشبعش منه جبتيه منين حته السكره ده
رحت تاني يوم بقول لماما لقتها بتقولي اتصلي بيه وقوليله ماما عاوزه تكلمك جري جبت التليفون ورنيت عليه وخليت ماما تكلمه شويه لقيت ماما اخدت التليفون ودخلت اوضتي وقفلت علي نفسها يجي ساعه وانا قاعده بره هبيض وكل شويه اخبط عليها تقولي اصبري خلاص خلصنا اهو (علي فكره دي كان أول مكلمه بين ماما وبينه وماما اصلا منتقبه ) وماما اصلا مبتحبش الرغي الكتير بس انا استغربت دي طولت معاه كده ليه ،،،،
روحت مخبطه عليها جامد وقولتلها افتحي احسن هكسر الباب لقتها بتفتح ومسخسه من الضحك نتشت التليفون منها لقيته هو كمان عمال يضحك 😂قلتلها وانا معاه علي الخط هة ايه رأيك في حبيبي 💚 لقتها بتقولي ليت الشباب يعود يوما دا ميتشبعش منه خالص دا امه دعياله ان يحبب فيه خلقه 🤲ربنا يسعدكم يا رب
جينا لاهم نقطه في الموضوع باباااااا
اتفقنا ان هو اخو واحد صاحب اخويه وكده يعني
وجه اليوم المشؤم
اليوم اللي بنرتبله عشان نفاتح بابا في الموضوع
ماما مهدت لبابا الموضوع براحه قاللها روحي وابعتهالي وانا كنت بكلم حبيبي علي التليفون ،،،،، قالت لي روحي كلمي بابا انا فتحتلك السكه وروحيله هو مستنيكي في اضته،،،خليت التليفون مفتوح عشان حبيبي يسمع الكلام اللي هيدور بيني وبين بابا
وحطيت التليفون في جيبي💔😥
دخلت وبوست بابا وبست ايده اول ما شافني قالي انا مش موافق علي الموضوع اولا هو متجوز وثانيا من محافظه تانيه ثالثا انا جايبلك عريس ممتاز واهله ناس ونعم الناس وعارف كل ظروفك وهو لسه متحوزش قبل كده
(الصدمه)
ابويه لما بيدي قرار مبيرجعش فيه لو انطبقت السما علي الارض
عيط وخرجت من عنده منهاره ونسيت ان انا فاتحه التليفون وحبيبي عمال يتكلم ويقولي اهدي لاتي كنت بعيط بصوت عالي وانا في دنيه تانيه ،،،، لقيت ماما داخله عليه بتقولي ايه اللي حصل حكتها وقولتلها انا مش عاوز اتجوز حد غيره يا كده يا بلاها جواز خالص ،،،،،، هدتني ودناها معايه لما نمت وسرحت في النوم قمت من النوم لقيت يجي ٢٩ مسد كول واكتر من خمسين رساله منه اتصلت بيه ،،،،اول ما فتح لقيته بيقولي ياشيخه قلقتني علبكي انا قلت جرا ليها حاجه (اترن ماما عاملتلي عصير وحطت فيه منوم عشان اهدي) ودا عرفته بعدين
واتقفل الموضوع ودخلت في حاله سيئه للغايه لا اكل ولا نوم ولا اي حاجه ،،،،والوحيد اللي خرجني من اللي انا فيه هو الشخص ده
ظللنا علي علاقتنا انا وهوه وقلت مش هتجوز نهائي الي ان تحدثت والدتي مع أبي لكي اعمل فأنا خريجه آداب انجليزي ويمكن العمل مدرسه في اي مدرسه خاصه ،،،وقالت لأبي ان ده الشيئ الوحيد اللي هيخرجني من الحزن اللي انا فيه ،،، كان أبي معارض جدا لفتره الشغل من قبل وقال بالحرف (لما تكون في عصمه راجل يبقي يشغلها يقعدها هو حر )
ابي وافق علي اني ابحث عن عمل في مدرسه بدأت انزل اروح اعمل انتريفيوهات في مدارس عده وفي هذا التوقيت بدأ حبيبي في الانشغال بمشروعه وكنا نتحدث كل يوم لكن اقل من ذي قبل
اشتغلت في مدرسه كنت بصحي الساعه السادسه وارجع الساعه اربعه العصر وهو أيضا كان يخرج الفجر ويرجع بعد المغرب فبدأت تقل المحـ,ـادثات بيننا في التليفون وقال لي لازم كل واحد منا يشوف حياته انتي اشتغلي ولو اتقدملك حد محترم وابن ناس اتجوزي عشان مشلش الحرمانيه من ناحيتك
وانا هحاول ارجع مراتي عشان خاطر العيال لأنهم هما بس اللي
صعبانين عليه وهما بعيد عني
كنت بستشيره في كل ما يخصني واخذ برأيه لانه قال لي بالحرف (انا ماحبيت حد قدك في الدنيا ولا هحب حد قدك بعدك )
بس انا دلوقتي بحبك حب اخوات وعاوزلك الخير كله
انشغلت في عملي وهو أيضا انشغل في عمله واحساسنا تجاه بعضنا البعض لن يتغير
تقدم لي كثير من العرسان ولاكني كنت أرفض واقول له ممكن يكون في أمل لعند في يوم قالي لو موفقتيش علي العريس ده هقطع علاقتي بيكي نهائيا
قالي اقعدي معاه وشوفيه وعلي كلامك انتي انه انسان مهذب وراقي وابن ناس ومرتاح ماديا ليه متوافقيش
واول مره يزعقلي من يوم ما عرفته
تاني يوم قلت لبابا انا موافقه علي العريس
يوم كتب الكتاب الصبح اتصلت بصديقي (حبيبي سابقا) قال لي هذه آخر مكلمه بيني وبينك انتي هتبقي في عصمه راجل اليوم ومن كل قلبي اتمني لكي حياه سعيده يارب وظل يدعوا لي حتي اني بكيت بكاء وداع الميت
وقال لي لا إله إلا الله 😥💔قلت له محمد رسول الله
آخر كلمه سمعتها منه والي الان لن يتصل بي نهائيا وانا ايضا لم اتصل به نهائي وتغيرت ارقامنا وعلي العهد
والحمدلله مخلصه لزوجي وبيتي واولادي واعيش عيشه تتمناها كل سيده 🤲💚والحمدالله على كل حال 🤲💚
قصه واقعيه من تقريبا ١٧ سنه
لماذا اسرد هذه القصه
اولا مهما اذنبت واخطأت وعصيت الله فباب التوبه مفتوح ولا ولن ولم يغلق ابدا لان الله غفور رحيم
ثانيا هذا الشخص الذي أحببته حبا لو وزع علي اهل الارض لوسعهم جميعا وهو محور قصتي كان من الممكن فضحي علي الملأ بصوري وفيديوهاتي المخله ولاكنه سترني ربنا يستره دنيا وآخره
ثالثا مهما كان الحب الذي بينك وبين اي شخص من الممكن لكي من نسيانه اذا تعلق قلبك بالله الواحد الأحد في كل حياتك
