دلوقتى فى مشكلة كبيرة أو كا.رثة من زمان أنا فيها لوحدي أنا بنت عندي ١٧ سنة وانا الاخت الكبيرة لأخواتي عندي اخ واخت تانين ماما من ٩ سنين مثلا كنا فى محافظة غير القاهرة، ماما طلبت ننزل نعيش فى القاهرة بحجة تعليمنا وكانت بتطلب الطلاق كتير وافق بابا على اننا ننقل القاهرة بس موافقش على الطلاق كانت لانه مش عايزنا نتبهدل كانت مشاكل كتير مع بابا إهانة ليه كل مشكلة كانت بتطلب الطلاق كتير ماما سنها صغير شايفة نفسها صغيرة طول الوقت وبتلبس من لبسي وتحط ميكاب،المهم فى راجل فى الموضوع وصاحبتها من زمان دى ليها علاقة وحاجات كتير من ورا بابا وهو فى الشغل كانت تعمل اكل وتتشيك ولبس وميكاب وتروح توديهوله وترجع بشنط فيها حاجات كتير،هى ذكيةوبتفهم فى الموبايلات ومخلياه مبيبعتش خالص على التليفون رسايل ولا بتتكلم إلا فى فترات معينة بابا بيكون فيها فى الشغل طول السنوات دى وماما على علاقة مع الشخص دلوقتي الحال أنه الدنيا بقت صعبة وغالية فماما من سنتين نزلت تشتغل وكمان هديت عن زمان وبقت عايشة اسم أنها متجوزة وخلاص ومن وقتها بابا حنين اكتر عليها وحاسس أنها شايلة دور مش دورها وهى زى ما تقولوا كسرة عينه الحقيقة أنه ايام كتير مبتنزلش هى تشتغل فيها إنما بتروح تقابل الشخص اللى فى علاقة معاه و ده بيبان من كل حاجة قدامي وهى عارفة أنى فهماها كويس وعايزاني اعترف واقول كل حاجة اللى فهمته من اللى هى عايزاه أنها عايزاني
افضح الدنيا واقول كل حاجة عشان ايتفضح فتروح هربانة معاه وصلت لدرجة وقت كنت قاطعتها من زعلي تقول لبابا لو منك مسكتش غير لما اعرف مراتي دى بتعمل ايه كانت هتقولولي ساكتة ليه كل ده لانى الاخت الكبيرة بس لو حاجة زى دى اتفضحت احنا هنتبهدل وبابا عنده مشاكل فى القلب وتيتة وجدو ناس كبيرة سن يموتوا تنصحوني اعمل ايه غير أنى اعرف اى حد بالموضوع هى حاليا فى مقابلات معاه واكتشفت أنه العلاقة بينهم كبيرة اوي أنا نزلت قبل كدة روحت ادور على تسجيل صغير اشتريه واحطه فى شنطتها ملقيتش ،ودورت على حد يهكرلي تليفونها بالرقم مش عايزة غير مكالماتها بس كله نصب تليفونها محدش بيتجرأ يلمسه ولمت نائمة بتبقى حطاه فى حضنهامحدش بيتجرأ يجي جمبه،أنا اخد نصيحتكم انتم ناس كبيرة هنا واعية وناضجة ممكن يكون فى حل كويس انا حاليا مستحملة الضغط ده كله ومتغصبة اتاقلم واعيش واتحمل اللى بشوفه واللى بيحصل كأنه مفيش حاجة وصعبان عليا بابا اوى
