بتوضح انها خلاص على وشك ولادة قريب ، الدكتور بعتهالي وقالي ابقي هاتلي الكلبة تاني لأن فيها حاجة غريبة عاوز اتأكد منها ، لما سألته ايه الحاجة ديه الي انت عاوز تتأكد منها قالي إن شكل الأجنه مش طبيعي ومحتاج اعيد الأشعة..
في البداية انا وديت الكلبة للدكتور بسبب التصرفات الغريبة الي لاحظتها عليها في الفترة الأخيرة، لأنها
بقت عىدوانية بطريقة غريبة ودا عكس الطبيعي بتاعها ، بتعوي بصوت شبه الديابه بليل لدرجة اني بقيت اخىاف منها ، ويتفضل تفحر بضوافرها في الأرض بسرعة جداً وبطريقة تقلق .. انا كنت فاكر إن الي بيحصل دا بسبب انها قربت تولد ، بس الدكتور قالي ان تصرفاتها غريبة وملهاش عىلاقة بالولادة
المهم خدتها و رحت بيها تاني للدكتور عشان يعيد الاشعة والتحاليل زي ما طلب بس الدكتور قالي حاجة غريبة
– شكل أعىضاء الاجنه الي في بطن الكلبة بتاعتك اعىضاء بشرية!!دا كان كلامها الي انا استغربته جداً ، ازاي يعني اعىضاء بشرية؟ .. الكلبة حامل في بني ادمين!!.. الدكتور نفسه كان مذهول ومش مصدق زيي بالظبط وبناء عليه قالي ان مفيش اي حل في إيدينا غير اننا نستنا ميعاد الولادة ونشوف الي هيحصل والي احتمال يكون بعد اسبوع من دلوقتى
خدت الكلبة و روحت البيت وانا مش مستغرب من كلام الدكتور قد منا مستغرب من تصرفات الكلبة الي كل يوم بتزداد غرابة و رعىب بنسبالي كل ما ميعاد الولادة يقرب ، احيانا بشوفها بتفضل ترجع لورا وتجري مرة واحدة وتقف على رجليها الاتنين كأن فيه حد قدامها بتحاول تهىجم عليه ، بتفضل تصر..خ وهي بتعمل كده بطريقة مش طبيعية ، اوقات كمان تفضل تخبط دماغها في الحيطة بمنتهي العنـ..ف لدرجة أنها في مرة نىزفت ولولا اني لحقتها كانت ممكن تمـ..وت نفسهالحد ما في يوم صحيت نص الليل على صوتها بس المره ديه كان مكتووم ، بتحاول تطلع صوت شبه حد بيعيط بس كاتم صوته ،انا صحيت خايف من الي سمعته، المره ديه صوتها كان غير كل مرة لان كان عامل زي صوت البشر مش حبوان ، قومت من السىرير و ورحت الأوىضة الي انا مخصصها ليها ، هي أوىضة اشبه بمخـ,ـزن بحط فيها الحاجات الي ملهاش لازمة وفي نفس الوقت هي مبيـ,ـت للـ,ـكـ,ـلبة
فتحت باب الأوىضة عشان الاقي الكلبة ولدت ، ببب..ببس مولدتش كلـ..ب ، ديه ولدت كائنات اشبه بالبشر ، مممممش ممممكن … ممممستحيل ، مش مصدق الي انا شايفه كلام الدكتور طلع صح
الكلبة نايمة علي الارض وجنبها ٣ كائنات بأطراف بشرية طبيعية لكن وشهم مش شكل وش البشر ، ليهم عيون مدوره حجمها صغير لكن مفيش مناخير ولا ودن ولا بوق ، لونهم اسود مايل للرمادي ،شكل مرعىب .. هما الي كانوا بيطلعوا صوت العياط المكتوم مش الكلبه
قربت منهم وانا فاتح عيني على اخرها مش مصدق الي انا شايفه ، هو دا يطلع ايه!! .. بقرب والكلبة قامت وقفت وخدت وضع الاستعداد كأنها هتهجم عليا ، عشان ابطئ من خطواتي مش ضامن رد فعلها ، بس فجأة غرزت ضوافرها في الأرض الي لقيت حجمهم تضاعف بطريقة غريبة ، شعر جسمها وقف وعينيها خرج منها نور مرعىب ، فضلت تعمل اصوات وهي فاتحة بوقها الي بقي شكله شبه بوق الأسد حتي حجم جسمها فضل يتضاعف لدرجة انها بقت اشبه بوحىش كاسر بيستعد انه يلتهمني
جسمي اترعىش وركبي فضلت تخبط في بعض وانا حىاسس اني في حلم ،مفيش حتي فرصة اهىرب ، مش هلحق.. دا اكيد الكلبة ديه فيها جىن ، والي ولدته دا جىن ، فضلت اقرأ قرآن بصوت عالي ، في نفس اللحظة حجمها بدأ يرجع للشكل الطبيعي وترجع بنفس صورتها الطبيعية ، فضلت مستمر لحد ما رجعت طبيعية تماماً ، الغريب هو الاطفال الي جنبها الي جسمهم بقي شبه جمره من النىار عماله تزاد لهىب كل اما اقرأ قرآن ، لحد ما فجأة بقوا مجرد شوية رماد مرمين على الأرض..
رد فعل الكلبة بعد كده كان غريب ، سندت ضهري على الحيطة وانا بنهج وهي فضلت تفحر بضوافرها في الرماد دا بسرعة كأنها بتدور على حاجة جواه، هي
بتحفر وانا براقب الوضع ، لحد لما لقيت الرماد دا بيختفي كأن فيه حد انا مش شايفه بيشيله لحد ما اخده كله من على الارض ومبقاش ليه اثر، فجأة الكلبة فضلت تبصلي وفيه دموع نازله من عينيها كأنها بتقولي انت الي ، مشهد لو حد بيحكيه ليا هقول عليه بيخرف بس انا عايشه بنفسي ..خرجت من الاوىضة بسرعة وقفلت بابها بالمفتاح تحسباً لأي حاجة ممكن تحصل ، روحت للدكتور تاني يوم حكيت ليه الي حصل الي على الرغم من انه شاف الاشعة بنفسه إلا انه ماكنش مصدقني ، حاولت اقنعه ان الكلبة ديه عليها جىن و ولدت اطفال من الجىن ومتحىرقووش غير اما قرأت القرآن لكنه خد الموضوع بسخرية واستهزاء وطلب مني اجيبله الكلبة تاني يكشف عليها
بس الغريب هو اني روحت البيت ملقتش الكلبة أصلا ، والاغرب ان
الباب الي كنت قافله عليها بالمفتاح لسه مقفول زي ما هو ، والاغرب أكتر اني لسه بسمع صوتها كل يوم بتعوي من نفس الأوىضة الي اختفت منها !
انا مش فاهم الي حصل دا حصل ازاي، اكيد محدش هيصدقني لأن لو حد قالي حكاية زي ديه عمري ما هصدقه ، بس انا عايش في رعىب ، بقالي فترة كبيرة مش بنام ، حىاسس انها هتظهر في أوقت وتنتقىم مني بسبب الي عملته .
