خير تعمل شرا تلقى بس بنت خالتي حساها عندها حق في اللي حقوله فياريت يا استاذه غاده بعد ما ابعتلك مشكلتي تعرضيها على متابعينك في صفحه ازواج لكن سعداء بس من غير اسمى عشان بنت خالتي متزعلش مني والله هي جميله جدا جدا بس ياعيني حظها وحش اتطلقت مرتين بس من غير اولاد فانا الصراحه عرضت على جوزي اننا نجوزها لابن عمه هو شاب حلو ولم يسبق ليه الجواز عايش لوحده بعد ما امه اتو.فت في بيت ايجار قديم بس الشقه حلوة اوي وفي منطقه راقيه جدا عندنا في اسكندريه المهم يا استاذه غاده بنت خالتي فرحت اوي لما حكيتلها عنه والصراحه والعريس ابدى موافقته واتخطبوا وكان الاتفاق انها تجيب عفشها كله ذي ما هو وهي يادوبك حيجدد المطبخ واوضه النوم وهي بتشتغل وحتظبط الدنيا معاه والصراحه كانت الدنيا ماشيه وبعدين حددوا معاد لكتب الكتاب وانه حيكون كتب كتاب من غير فرح والعريس وافق مفيش مشكله وبدأت بنت خالتي تودي العفش بتاعها وهدومها وخزين البيت بس كانت كل شويه تسأله عملت المطبخ يقولها اه فاضل حاجات بسيطه لغايه ما راحنا انا وهي وجوزي البيت عند العريس عشان نحط حاجات دخلنا لاقيت المطبخ لسه الدواليب متركبتش بس كانت الصدمه لما لاقينا
الاكل والخزين كله اتاكل والخزين مش اكل بس ده كمان استخدم الشامبوهات والمعطرات وحاجات كتيره وده كانت جيباه بأولوفات اصل احنا هنا العروسه اللي بتجيب الخزين كله اتصدمنا وهو بكل برود قال اعمل ايه لما جوعت اكلته حرجعه تاني من بطني وفتحت الحاجات التانيه استخدمها وعيال اختي لما جم استخدمو معايا جيت انا اتكلم واقول خلاص تجيب غيره لاقيت بنت خالتي بتقول لا طبعا غيره ايه اذا كان عملت كده وانا لسه على البر امال لما نغوض في الجوازة حيعمل ايه معايا وانا مش ناقصه هم ولا جوازة تالته تبوظ وقامت رمتله الدبله وقالت حبعت حد ياخد العفش وتمن الخزين منك يا بنت خالتي عشان انتي اللي جبتيلي عريس الغفله ده طبعا جوزي بصلي وقالي قولتلك من الاول مندخلش في جوازة والتاني واقف ولا نطق بكلمه وجوزي زعق معاه وقالوا تمن الحاجات يرجع قاله اجيب منين وبعدين هي مالها معفنه كده ليه طبعا لاقيت نفسي بمد ايدي يا استاذه غاده وباخد
الدبله وبقوله حار ونار في جتتك بس لاقيت الدنيا حتتقلب لعراك وضرب فنزلنا انا وجوزي ومش عارفه اعمل ايه واتصرف ازاي وصدق المثل اللي قال ادخل في جنازة ولا ادخل في جوازة شوري عليه وعلى متابعين اعمل ايه اروح انا اجيب اجيب انا خزين بالقسط من سوبر ماركت بتعامل معاه ولا استنى لما العريس النيله دي لما يتصرف ولا استسمح بنت خالتي تسامحني بس حرام والله خايفه على زعلها وربنا ما يباركش ليه في عشتي معلش طولت عليكم اتمنى تعرضيها على صفحتك ازواج لكن سعداء و تلاقي لي حل
