استفاد منها كتير.. بدرية طلبة تكشف مفاجأة عن علاقة العوضي لياسمين.. وايه قصة تحديها معاه
قالت الفنانة بدرية طلبة إن انفصال النجمة ياسمين عبد العزيز عن النجم أحمد العوضي لم يؤثر على علاقتها به، بسبب صداقتها القوية مع ياسمين عبد العزيز.
وأضافت خلال حوارها مع الإعلامية أميرة بدر في برنامج “أسرار” المذاع عبر قناة النهار: “الجواز والطلاق حاجة بتاعة ربنا وقسمة ونصيب”.
وردا على سؤال من الذي استفاد أكثر في زيجتهما، قالت بدرية طلبة: “ياسمين نجمة هتستفيد إيه؟ لو جيبتي بيبي من الشارع هيقول العوضي استفاد من ياسمين، والدليل على كده إنه بيعمل مسلسل لوحده للسنة الثانية على التوالي”.
وأضافت بدرية طلبة: “السنة دي هتبين، هل إنت استفدت ونورت علشان ياسمين ولا علشان إنت ممثل شاطر، بيني وبينك الجمهور”.
ووجهت بدرية طلبة رسالة لياسمين عبد العزيز من خلال البرنامج قائلة: “والله العظيم يا ياسمين ما أنا بس اللي عندي استعداد أرمي نفسي في النار علشانك، ملايين في العالم كله ومش هقول في الدول العربية”.
يذكر أن أحمد العوضي يعرض له في رمضان مسلسل “فهد البطل”، من بطولة أحمد العوضي وميرنا نور الدين وأحمد عبدالعزيز ومحمود البزاوي ولوسي وكارولين عزمي ويارا السكري وعصام السقا وصفاء الطوخي وحجاج عبدالعظيم وكذلك محسن منصور وحمزة العيلي، ويعرض عبر شاشات الشركة المتحدة للخدمات الإعلامية.
شغلانة البنات الجديدة ..
فيه مجموعة منظمة بتعلن عن وظائف للبنات والسيدات في الجروبات ..
لما بنت بتبعتلهم بيكلموها مكالمة صوت ماسينجر .. واللى بتكلمها بنت .. او واحد معدل صوته لبنت .. علشان تطمن وعلشان هدف تاني هقولهولك في اخر البوست ..
وتقدم نفسها على انها موظفة تسويق في شركة تدريب نماذج ذكاء اصطناعي الهدف منها صناعة افلام الانيميشن .. وتبدأ تبعت شوية صور على شوية لينكات..
.
طب المطلوب؟!
صور بجودة عالية لمساقط الوجه .. امامي جانبي يمين شمال .. بالحجاب وبدون .. علشان نماذج الذكاء الاصطناعي تتدرب عليها ومحدش هيشوفها ابدا ومش هيتم نشرها بأي شكل.
وافقت بيدفعولها فلوس فعلا .. وتفرح بيهم ..
فيقولولها ممكن تشارك في تدريب تاني على الجسم .. ومطلوب منها تبعت صور لجسمها .. مش نودز .. بليجن و بيزكس مجسمة .. ومن زوايا مختلفة ..
.
.
سواء البنت وافقت على المرحلة التانية او لأ ..
العصابة دي بتاخد الصور دي وتعمل Face swap لأفلام اباحية ..
يعني بيجيبوا فيلم اباحي جاهز .. يشيلوا وش البنت فيه ويحطوا وشها بالذكاء الاصطناعي .. ومكالمة الصوت في الاول بيعملوا بيها موديل لصوت الضحية .. وبرضو بالذكاء الاصطناعي بيعملوا Voice swap للصوت .. يعني بيسجلوا الاصوات والكلام اللى عايزينه و بيخلوا الذكاء الاصطناعي يغير الصوت لصوتها .. فكدا بقى صوت وصورة ..
.
وهاتك يا ابتزاز .. بدايتها مطالبة بارجاع الفلوس اللى اندفعت ..
وبعدين طلب مرة في التانية في التالتة .. فلوس فلوس فلوس ..
وطول ما البنت بتدفع الدنيا بيس والفرخة بتبيض بيضة دهب ..
لما خلاص بح والبنت متلاقيش حاجة تسرقها من فلوس ابوها او دهب امها .. الفيديوهات دي بتترفع على تيرابوكس وبتتباع باشتراكات على قنوات تليجرام .
.
.
الموضوع دا بقاله شهر تقريبا وبينتشر بسرعة البرق ..
وبمراجعة تفاصيل اكتر من حالة .. فتتبع الناس دي شبه مستحيل ..
#منقول_للتوعيه
