انا شغال في مصنع ومراتي شغاله معايا انا مشرف عمال كان دايما انا ومراتي في مشاكل كتير وكانت صاحبتها وزميلتها في نفس الوقت من ايام الطفوله كانت بتهدي ما بينا مره حصل ما بينا مشكله كبيره قوي وتدخلت في الموضوع صديقتها وهي كانت مدياها رقم تليفوني وبقت تتصل بيا كتير عشان تهدي الامور ما بينا كنا بنتكلم كثير جدا بعد الشغل في مره الساعه 2:00 بالليل اتصلت بايه وانا كنت بحسبها بتتصل بيا عشان تهدي ما بين مراتي وبيني لكن ما اتكلمتش في الموضوع خالص لقيتها بتتكلم عن نفسها انها مخنوقه انا قعدت اهديها وبعد فتره انا اتعودت عليها جامد وهي بقت تكلمني حتى بعد ما تصالحت انا ومراتي وبقينا نتكلم في ادق الاشياء ما بين وتجربتها في جوازها الاولاني اللي فشل وانا بقيت اقول لها ان شاء الله ربنا يرزقك بابن الحلال الكويس مره انا بكلمها بالليل بعد ما مراتي نامت بقيت بتقول لي انا نفسي اتجوز واحد زيك رحت قلت لها اشمعنا يعني راحت قالت لي انت انسان كويس ومراتك بتحب المشاكل على طول معاك بس النصيب يا ريتني كنت اتجوزت واحد زيك من الاول وفضلنا نتكلم كده فتره لغايه ما هي اعترفت ليا انها بتحبني جدا ودي حاجه مش بارادتها خالص رحت انا قلت لها بس ده ما ينفعش عشان صاحبتك راحت قالت ليا انا عارفه اني بعمل حاجه غلط بس القلب وما يريد رحت انا قلت لها احنا لازم ما نكلمش بعض خالص راحت قالت لي ده الصح وفعلا قعدنا اسبوع ما نكلمش بعض وبعد الاسبوع لقيتها
بتكلمني بتقول لي انا مش قادر استغنى عنك انا حبيتك قوي قالت لي حتى لو نفضل مع بعض من غير جواز رحت قلت لها ماشي بس ما ينفعش انا برده اتشديت ليكي رحت قلت لها انا ممكن اتزوجك ويكون في السر هي وافقت على طول ما اترددتش فعلا اتجوزنا وقعدت معاها في شقتها وبالامانه كانت مريحاني جدا كانت غير مراتي خالص كانت تعمل لي اكل واخده معايا الشغل كل ساعتين تتصل بي ده غير رومانسيتها وكلامها الجميل ما كانتش تحب تعمل مشاكل خالص معايا هو في نفس الوقت كانت مع زميلتها كويسه لغايه ما اولاد الحلال قالوا
لمراتي الاولى وللاسف راحت شقتها هي واهلها واتخانقوا معاها خناقه كبيره لقيتها بتتصل بيا تقول لي مراتك جات بهدلتني في البيت انا اتفضحت انا تعصبت جدا ومسكت مراتي الاولى ضربتها علقه جامده قلت لها خلاص زهقت منك ومش قادر اعيش معاكي راحت قالت لي انت عايز تسيبني عشان تروح لصاحبتي وانا عرفت انك اتجوزتها وفضلت تدعي علينا احنا الاتنين سبتها ومشيت وقعدت مع مراتي الثانيه وانا قررت اني اطلقها خلاص لان طباعها سيئه جدا وبقت تسوق عليا ولاد الحلال عشان نرجع مع بعض تاني وطلق مراتي الثانيه ما سمعتش كلامي خالص لغايه ما اتخنقت مع مراتي الثانيه في الشغل وعملت لها فضيحه في الشغل وهي قعدت من الشغل خلاص من بعد الحركه دي طلقت مراتي الاولى لقيت بعديها اهل مراتي قالوا لي تعالى خد
عيالك ربيهم كان عندي بنتين عندهم ست سنين واربع سنين رحت قلت لهم البنتين في حضانتها راحوا قالوا لي مراتك تعبت نفسيا وبتتعالج نفسي وبتتعامل مع عيالها وحش جدا والعيال خايفين منها قوي خلاص احنا بنحضر عشان هنوديها مستشفى العباسيه لما مراتي الثانيه عرفت صاحبتها بقيت تعيط عشان عشان هي بتحب صاحبتها وما ترددتش وخدت البنتين تربيهم بصراحه بتعاملهم احسن مني انا مهتميه بيهم جدا والعيال حبوها ما بيناموش الا في حضنها بالليل وبتحكي لهم حكايات بالليل قبل ما يناموا وتوديهم الحضانه لدرجه انها باكت لما ولاد الحلال خدوهم عشان يشوفوا امهم في المستشفى العيال ما كانتش عايزه تروح ومراتي الثانيه بقت تقول لي العيال وحشني جدا رحت انا قلت لها انا مش هينفع اودي عيالي المستشفى عشان
المناظر الصعبه اللي هناك راحت مراتي الثانيه قالت لي ده احسن انك تعمل كده وفعلا صممت بكده لكن اهل مراتي الاولى طليقتي وعايزين يخلي العيال يروحوا لها غصب عني وعن مراتي الثانيه احنا رفضنا مراتي الثانيه بقت تقول لي حرام عليك البنتين صغيرين اوعى توديهم وهم دلوقتي عايزين يقعدوا قعده رجاله عشان يخلوا البنتين تزور امهم وانا مش عارف اقول لاهلها ايه عشان ما اوديش البنتين في المستشفى اللي عنده حل يتفضل يقول لي اعمل ايه معاهم لان اهلها اغبياء جدا وبتوع خناقات امهات الثانيه طيبه جدا ورقيقه المشاعر وحساسه حتى مش بتعرف ترد على اللي يتخانق معاها او يضحك عليها وهي بتشتري الحاجه من السوق فمن فضلكم انا مش عايز مشاكل وعايز حل برده شكرا
