الصراحه دي ثاني مشكلة ابعتها لصفحه ازواج لكن سعداء وبالامانه تعليقاتكم كانت منصفه واخدت برأيكم وكنتم ونعم الرأي
المرادي المشكله خاصه بأبن اختي عريس عقبال عندكم وهو حيتجوز بنت اختي وانا كده ابقى خاله الاتنين 😍وهم الاتنين عزاز جدا على قلبي واتمنالهم الخير ،والمفروض بنجهز شقتهم اللي حيدخلوا فيها الشهر الجاي
وانتم عارفين التجهيزات اللي قبل الفرحه والربكه اللي بنكون فيها وكل واحد بيقدر يعمل حاجه بيعملها وانا قولتلهم انا حروح بيت العريس الم حاجاته اللي حيحطها في شقه الزوجيه واساعد اختي ويوم التنجيد حروح مع العروسه افرش الشقه كلها معاها ،روحت اجمع حاجات ابن اختي من بيت اختي وانا في اوضته فتحت دولابه لاقيت اللي صعقني ومكنتش متوقعاه …..يتبع
لاقيت برشام مكتوب عليه اسم دوا معروف للمواد المخـ،ـ،ـدرة وكمان متاخد منه حبيتين تلاته انا اتصد..مت ومعرفتش اتكلم انا اخدت البرشام وحطيته في جيبي وسكت لا قولت لاختي دي اللي هي امه ولا طبعا حكيت لاختي التانيه ام العروسه ،انا بس حاولت افهم من بنت اختي عن تصرفاته معاها الصراحه مقالتش حاجه غريبه عن تصرفاته معاها ،المشكله التانيه ان اب اختي صيدلي يعني ممكن يكون جايبه لحد بيجامل بيه
طبعا لو انا اتكلمت او فتحت بؤي الموضوع حيتفهم غلط وخصوصا ان عندي بنت على وش جواز ممكن يفهموا اني بفشكل الجوازه عشان بنتي وهي والله ما في نيتي كده قولولي اعمل ايه في صفحتكم الموقرة ازواج لكن سعداء اروح لابن اختي اساله على طول ولا ادور والف عليه عشان افهم ولو هو كده اعتبره طيش شباب وحيعدي وطبعا انا عارفه انكم حتقولوا ازاي صيدلي وممكن يشرب الحاجات دي حقولكم ان حياته كانت حتضيع بعد وفـ،ـاة ابوه ولما فرصه السفر راحت منه كانت كفيله تد.مر اي شاب فممكن يكون لجأ للحاجات دي وخصوصا انه شغال في صيدلية
انا مش عايزة اكون السبب في فشكلة الجوازه لو حقيقي اللي في د.ماغي وفي نفس الوقت خايفه اظلم بنت اختي في جوازة تظلمها ويبقى ذنب بنت اختي في رقبتي ،انتم عارفين جواز القرايب ومشاكله اللي بتظهر بعدين انا حقيقي محتاره
شوروا عليه اعمل ايه بالله عليكم واسفه اني طولت عليكم وربنا يجازيكي خير استاذه غاده على سعه صدرك وتقبلك لرسالتي عندك على رسايل الصفحه
والسلام عليكم ورحمه الله وبركاته
ولا حول ولا قوة الا بالله العلي العظيم
