قربت اتجنن من كتر التفكير محتاره ومش عارفه اعمل اى وعايزه حد بما يرضى الله يقولى اعمل اى هو فى واحد ممكن يحب حد ويقبله من مجرد صوته بس لا شافه ولا عرف عنه اى حاجه ده إلى حصل معايا بشتغل وواحد من العملاء اتفاجـ,ـاءت بيه بيطلب يتقدم ليه لمجرد أن قبل صوتى وأعجب بموافقى معاه لكن ظروفه مش احسن حاجه متجوز ومخلف واصغر منى تلات سنين وانا عديت 35 لكن لما قولتله سبب أنه عايز يتجوز على مراته قال مش مرتاح ومن زمان بدور ومقرر واهلى كلهم عارفين وبعدين انا عايش بره يعنى إلى هتجوزها مش هسيبها فى مصر هاخدها معايا هنا رجلى على رجلها حتى لو نزلت مصر هاخد مكان بعيد عن اهلى وعن مراتى فى محافظه تانى هو شارى لابعد الحدود وكل إلى اقول عليه يقولى إلى انتى عايزه غير فى حياته حاجات كتير عشان
يرضينى لدرجة لبسه غيره كله وقالى لما نكون مع بعض انتى اختارى وانا البس ومش هتكلم بطل سجائر هو شخصيه قويه بس معايا عامل زى الطفل الصغير بيسمع كلامى وبيكون فرحان ولما ازعل مايهون وقالى متمسك بيكى لاخر العمر ولما قولتله كده هخرب على مراتك قالى انتى مالكيش ذنب انا من عشر سنين بدور وعشان خايف أوقع زى الواقعه دى بدقق فى كل حاجه وبيكى من غيرك انا مقرر اتجوز وهى اتحطت فى الوضع ده قبل كده لما كان فى مره كنت هتجوز زعلـ,ـت شويه وقبلت وده شرع ربنا وانا مش بعمل حاجه غلط ولا حرام انا اتحملت كتير والكل يشهد بكده والقرار ده واخده من زمان مش من أول ما عرفتك ومعاكى ومعاها انا همشى بشرع ربنا إنا بقى مرعوبه وخايفه من إلى جاى انا فعلا مرتاحه ليه جدا وبيعرف يحتوينى فكرت الأول أنه بيهزر ويلعب ويتسلى لكن لما طلبت يثبت جديته كلم اهلى على طول وكلم اهله وقال شارى لابعد الحدود انا ظروفى مش احسن حاجه انا وحده تعبت بما فيه الكفايه اقسم بالله اتعذبت فخايفه إلى جاى يكون اسوء من إلى راح انا كبرت ومش بيتقدم ليه خالص من فتره كبيره وقاعده فى ارياف وهو قدم ليه عروض كتير حلوه منها هطلع من هنا وهيشترى شقه باسمى والدهب إلى اطلبه هيتجاب بالزياده وبيقولى لو
ماحصلش نصيب انا هقفل الباب ده للابد لانى حبنى بجد ومفيش حد هيقدر ياخد مكانى فى قلبه اختى بتقولى يمكن عوض ربنا ليكى انتى اكتر وحده تعبتى فينا وبعدين قصة جوازه مش عيب وانتى مش هتظلميها ولا هو هيظلمها انا مش عارفه اعمل اى اوافق واعيش النهارده واسيب بكره لبكره ولا افكر فى بكره لو حصل اى حاجه ممكن يبعنى بس طريقته وتعامله معايا يقولى مستحيل ابيع ولا اتخلى انا عايزه استقر زى اى بنت فى بيت وابويا متوفى واخواتى كلهم كل وحده فى بيتها وامى ربنا يديها الصحه ست كبيره وانا خايفه من بكره أوجهه بنفسى وخايفه من بكره معاه ومش عارفه اعمل اى هو خلاص الكلام تقريبا بقى. رسمى وانا خايفه اكمل وخايفه ارجع بكلامى خايف ارجع بكلامى اكمل باقى حياتى فى الوحده إلى انا فيها وخايفه اكمل اكون محطه فى حياته يزهق ويرمينى حد يقولى اعمل اى بالله عليكى هو شخص محترم ويعرف ربنا وانا غلبانه اوى والله وماليش فى المشاكل خصوصا لما ذكرت قصة مراته مش عارفه حسيت أنه دماغه وقفت عن التفكير انا تعبت وعايزه حد يساعدنى اخد قرار اكمل ولا ارجع صليت كتير ودعيت اكتر أن لو فيه شر يصرفه وان لو فيه خير يقربه لقيته
قرب اكتر من الاول ولما حصل خـ,ـلاف مابينا وقطعنا الكلام لقيته رجع تانى ومتمسك وانا برتاح ليه ولكلامه جدا لانى حاسه فعلا حب روحى ومش مهتم للشكل خالص وبيقولى ديما انتى العوض الى طلبته من ربنا وانتظرته سنين ولما سألته كل ده من صوت قال ورا الصوت حبيت روح واخلاق ومبادى لما اتعاملت معاكى فيها عرفتها وده خلانى اتمسك اكتر واقول هى دى العوض وماتخافى هكون عوضك وديما يوعدنى قدام ربنا ويقول ربنا شاهد عليه هشيله فى عنيه لانى ديما أقوله ماليش حد غير ربنا لو ظلمتنى مش هلاقى حد يوقفلك يقولى ماتخافى عمرى ماهظلمك ولا هاجى عليكى وكل إلى انتى عايزه اعمله يطمنك هعمله بس انا من جوايا متردده وافكر كتير والخوف مسيطر عليه قوليلى اعمل اى بالله عليكم
