بعيدًا عن قصة بسملة ودعاء اللي قالبة السوشيال ميديا، وبتقول إن دعاء خط.فت صاحبتها بسملة وبعدين لقوا البنت متخ.درة ومرمية بملابس مق.طعة وحافية على طريق أكتوبر.
بعدها بشوية جرايد خرجت وقالت إن البنتين كانوا خارجين مع بعض عادي وبعدين بسملة اخت.فت يومين ورجعت بيتها عادي مفيهاش أي حاجة وغالبًا كانت مخت.فية بإرادتها ولسه التحقيقات جارية.
الحقيقة فين ماحدش لسه يعرف علشان منزلش بيان من الشرطة المصرية بتفاصيل الواقعة.
كله بيتكلم وخلاص ماحدش عارف إذا كانت البنت فعلًا كانت مخ.طوفة ولا متغيبة بإرادتها.
بس أنا عاوز أقول كلمتين.
يعني إيه أختي أو بنتي يكون لها أصحاب وأنا معرفش همَ مين، سلوكهم إيه، بيعملوا إيه؟
أهل بيتك دول أهم حاجة في دنيتك فلازم تكون عارف كل حاجة بيعملوها علشان وقت ما تقع مصيبة تعرف تتصرف وتعرف كويس مين اللي همَ بيتكلموا معاهم.
الموضوع مش تطفل أو مراقبة يا جماعة، أنا عندي أربع أخوات بنات، كل بنت منهم عارف صحباتهم كويس، وعارف أهلهم، وعارف لو نزلت راحت في مكان هي فين، وبتابعهم كويس جدًا، ودخلت بيوت أهل صحباتهم، وغالبًا برضه همَ دخلوا بيتنا، فتقريبًا أنا شبه عارف كل حاجة عن صحبات إخواتي.
طبعًا مش عارف تفاصيلهم الداخلية واللي بيفكروا فيه، ولكني على الأقل عارف إنهم ولاد ناس محترمين ومن عائلات محترمة.
أخت بسملة لما بدأت تنزل بوستات عن صاحبة أختها اللي اسمها دعاء، طلعت سايبة البيت وأهلها متبريين منها، فمعلش سواء البنت مظلومة أو هي اللي عملت كدا، حضراتكم سايبين بنتكم تعرف واحدة سايبة بيت أهلها وعايشة لوحدها ليه؟
ونرجع نصوت في الآخر.
دا لو افترضنا طبعًا إن الكلام حقيقي.
يا جماعة أي مشكلة بتحصل بيكون الأهل طرف فيها، إهمال، عدم اهتمام، تطنيش مع موجة الحياة الصعبة، ومش فاضي بقى اسأل عيالي رايحين فين وجايين منين وماشيين مع مين وبتعملوا إيه!
خلوا بالكم من أهلكم واسألوهم مين صحبتك دي؟ ساكنة فين، أبوها اسمه إيه؟ شغال إيه، وحاولوا في مرة تروحوا تشوفوا البيت، تتعرفوا على أهل البنت.
صدقوني أنا مش بقول خزعبلات، دا الصح في الزمن اللي احنا فيه.
واللي بقوله دا مش هيأمن عيالك أو إخواتك البنات، علشان الضربة ممكن تجيلك من أقرب الناس ليك.
بس على الأقل هتعرف تتصرف وتجري وهتلاقي ناس تقف معاك، مش تقع المصيبة وبعدين تبدأ تكتشف بقى تفاصيل تصدمك إنتَ واللي بيحاول يساعدك.
وفي الآخر هتتحمل جزء من الخطأ على إهمالك.
ربنا يحفظكم ويحفظ أهلكم وإن شاء الله البنت تكون بخير ومش هتهم حد في البوست لحد ما نشوف قرار الشرطة اللي هينزل بتفاصيل الواقعة.
#محمد_صاوي!¡
