احلى شابوه لعيالنا
اللي “مش اخ” ده شغال مراسل في i24 news وكان في اجازة لمصر في اسبوع الاعياد بتاعهم وصور كام فيديو منهم واحد وهوا بيحاول يخلي مجموعة من تلاميذ مصريين غالبا كانوا في رحلة للاهرامات يهتفوا بالاسم اللي على وزن “راشيل” عشان يحقق نصر بسيط وبتاع.
– وزي مهو متوقع العيال اللي مكملوش ١٢ سنة سمعت الاسم قاموا سابوه ومشيوا.
وطبعا العليقات عنده من اهل جلدته مليئة بالانفـ،ـصال عن الواقع وتغييب تام عن اصل وجذور المشكلة واننا شعب بربري وبنكرههم من غير سبب ودينا معرفش بيؤمر بأيه والهرم بتاعهم وهما اللي بنوه الى آخر تلك التعليقات المثيرة للغثيان، مع ان لو واحد عاقل فيهم بس فكر شوية هيعرف ان وجودهم هنا كإمتداد للاستعمار الاوروبي وسرقتهم لحقوقنا وتزوير التاريخ وتوسعهم الغير قانوني وتعاملهم الغاشم معانا ومع اخواتنا بشكل يومي من اول يوم وصلوا هنا لحد اللحظة اللي بكلمك فيها دي هو سبب كل المشاكل مش اي حاجة تانية.
ولو اي بشر تانية ايا كانت منين دخلت بالقوة وراحت قعدت مكانهم هتقابل نفس رد الفعل واسألوا نابليون ولورد كرومر وغيرهم، يعني الموضوع ملوش علاقة بهما مؤمنين بإيه من الاساس على قد ما هما عملوا ايه.
لكن حابب اعلق على نقطتين بمناسبة الفيديو ده..
– النقطة الاولى ان شوية العيال دول باللي عملوه وبتعبير وش اقل عيل فيهم لما سمع الاسم، ارجل من اتخن واحد في حكومتهم، هما دول اللي هيكبروا ويكونوا جنود وينتصروا في يوم من الايام، مهما حاولوا يصوروا عكس كدة ومهما عدى اجيال ومهما طبعوا العلاقات، اللي في القلب هيفضل في القلب.
– النقطة الثانية هوا ازاي دخل القاهرة لحد الاهرامات؟ لسبب بسيط جدا وهو ان اغلبهم معاه باسبورات دول تانية زي امريكا والبرتغال ودول اوروبا، لما بييجوا هنا بيتعاملوا بالباسبورات دي وميقدروش يعلنوا عن حقيقتهم غير لما بيمشوا خصوصا في اوقات الاحتقان اللي زي دلوقتي، اخره يصور فيديو في الدرا مع شوية عيال.
طيب معلش ليه معاهم باسبورات تانية لحد دلوقتي هما مش بيدعوا ان ده حقهم ودي ارضهم التاريخية؟
عشان ببساطة هيا دي طبيعة اي حد عارف انه دخيل وانه مش على حق، بيفضل محتفظ بالباسبور التاني عشان يعرف يخلع وقت الجد، عشان مهما بينولك غير كدة فجواهم حالة الشك دي، مش متطمنين انهم مكملين فيها، عشان عارف ان وجوده مؤقت وانه ملوش حق هنا، مهما شرعن وجوده وامتد لاجيال واتساند من اقوى امبراطوريات العالم هوا عارف ان وجوده غلط، وقاعد قلقان على طول، فلازم يكون عامل حسابه هيروح فين لما يمشي، هيخلع على فين لما يحين وقت الرحيل.
فحابب اقول شابوه لعيالنا وشابوه اللي رباهم والله
شكرا
