انا جوزي غبي جدا
نسبة ذكائه محدوده اوي
متجوزه بقالي 6شهور وكل يوم بتقفل منه اكتر بسبب غبا7ئه وادراكه البطئ
من الشباب اللي مش فاهمه حاجه في السوشيال ميديا بيكتب هههههه بيعلق عندي بصور للجوكر واصاحبي مطلعش من 2013
شاف حد غريب من المتابعين عملي كومنت قعد فتحلي محضر مين ده وبيعمل ايه عندك
اما شافني منزله صوري قعد يزعقلي ان حد هيركبها علي صور وهتجبيلي العا*ر
اما نشوف اي موضوع ونتناقش فيه يجيب امثله من المريخ
يعني مثلا
بنتكلم عن الشو* وهيدخلو النار بصاروخ وايه القرف اللي بيعملوه ده ومش عارفه فين اللذه في القرف ده
قالي اه زي الهنود كده
قولتله مالهم الهنود قالي بيعبدو البقر وهيدخلو النار هما كمان قولتله والله قالي اه والله متعرفيش ولا ايه
مش بيفهم الافيهات خالص
يعني في مره كنا بنتعاتب وبيقولي يعني انتي عاوزه ايه من الاخر قولتله عاوزه حضن ياابراهيم وهو اسمه احمد
يالهوي عملي ف/ضيحه
ابراهيم مين يامدام ياخا*ينه يافا*جره
في مره تانيه دخل عليا فجأه خضني قولتله حمزه خضتني
قالي لا تعالي هنا بقا انا قولت ابراهيم نزوه وعدت انما ده شكلها كده شبكة دعا*ره في بيتي وضر*بني
انا كنت حاسس بحاجة
واحدة مش طبيعية وها*ي(ه
بتلبسي قمصا*ن نو*م عالفاضي والمليان معندكيش خشى ولا حياء بتطلبيني عيني عينك نسواn اخر زمن والله عشنا وشوفنا
فض*حني حرفيا واتصل علي ابويا بنتك بتتحضن من ابراهيم ياعمي بنتك تعرف راجل اسمه حمزه ياعمي اتاريها نفسها تخلف ولد وتسميه حمزه
بس والله عيب عليكي ياست هانم اما تحبي حمزه اكتر من ابراهيم لازم تعدلي بينهم
كبر الموضوع
وعملو قعده رجاله وانا قعده اشرحلهم الايفيه بتاع عاوزه ورد ياابراهيم وسمعتهم المقطع بتاعه مش متخيلي منظري وانا قعده بشرح للرجاله ايفيه ابراهيم واحلف ايمانات الله اني م اعرف حد بالاسم دا لحد م اقتنع وقعد يتأسف
طلبت الطلاق
ابويا رفض قالي هو غبي استحمليه بس مفيش طلاق عالاقل المرادي عشان هيتقاال انك تعرفي رجاله ياام حمزه وابراهيم وقعد يضحك
كل ميكلمني يقولي ياام حمزه وابراهيم
رجعت لجوزي وانا مش طيقاه حرفيا
وبقيت بعامله معامله و7حشه اوي اوي
وهو مستحمل بصراحه وبيحاول يراضيني
وامبارح بقا بنتكلم
قولتله سيد عيب متقولش كده احنا اهل
حدف عليا كوباية ميا دخلت الاوضه وقفلت ع نفسي وقولتله مش هفتح الا اما سيد ييجى
