السلام عليكم أخواتى وبناتى بالجروب الطيب
لينا فترة طويله مش بننشر مشاكل لحد علشان الموضوع أصبح أوڤر اوى ومتفبرك وعاوزين تعليقات وخلاص . وإحنا بفضل الله صادقين
دى مشكلة وصلتنى وعارفة إنها طويله لكن الأحداث فيها مهمة وصعبه وصاحبتها بتكتبها وهى منهارة للأسف
أرجوكم تكونوا معانا وتعرضوا رأيكم
السلام عليكم عايزه احكي مشكله وعايزه الرد للمشكله دي بس مش عايزه تعاطف قد ما انا عايزه كلام يرضى ربنا وارتاح وعايزه اطمن . انا كنت بحب واحد زمان ايام المدرسه وحاربت الدنيا عشان اتجوزه وفعلا اتجوزته وخلفت منه ولد ربنا يبارك فيه كان بيضر,بني وكان بيعاملني معامله وحشه وكان بيخو,ني وتطلقنا قبل كده ورجعنا تاني وبعد ما رجعت تاني هو عمل فيا عاهات مستديمه في جسمي وكان بيضربني ويخو.ني ويبهدلني اكثر من الاول واخر مره مسكني ضربني فيها كنت انا وابني وطردني بره البيت الساعه 7:00 الصبح بهدوم البيت والشباشب ورحت عند والدتي وبعد كده رفعت عليه قضيه خلع كنت بحاول اني افش غلي واريح نفسي في الفتره دي اكتشفت ان هو طردني من البيت بسبب واحده عرضت عليه تشتري له محل وتجيب له عربيه بمقابل انه يمشيني انا وابني هو وافق وفعلا مشاني انا وابني واختار الفلوس وبعد ما مشيت بفتره هو جاي لي عند ماما وقعد يتحايل عليا عشان يرجعني ويقول لي انا اسف ومش هعمل كده تاني ارجعي بيتك وانا ما رجعتش قلت له سيبني شويه نفسيتي تعبانه في نفس اليوم شفته مركب البنت دي العربيه وبعدها بكام يوم عرفت انه خطبها وقعد معاها كم شهر كده وبعد كده عرفت انه بيتكلم مع بنت خالتي هي عارفه قد ايه انا بحبه وان احنا كنا بنتخانق وبنرجع وبنطلق وبنرجع وكل العيله وكل الناس عارفين الموضوع ده قد ايه انا بحبه وقد ايه انا عملت عشان ابقى معاه المهم بنت خالتي دي ما كانش لها مكان تقعد فيه كانت قاعده عند واحده صاحبتها لان هي ما حدش من العيله بيكلمها ووالدتها متوفيه وباباها متجوز واخواتها عايشين لكل واحد في حياته واحد متجوز وواحد شغال المهم .دي مشيها وحش مدمنه مخدرات وبتمشي غلط وانا متجوزه كان جوزي كانت هي بتروح تشتري منه وبتدلع عليه وكده يعني هو قال لي كذا مره ما تخليهاش تيجي عندي ثاني دي سيرتها وحشه ومشيها وحش اوعي تكلميها واوعي توقفي معاها في شارع عشان دي ممكن تشبهك فانا اتكسفت اقول لها ما تروحيش عند جوزى المحل ثاني فهي كانت بتروح برده ولما هو كان جوزي بيشتم عليها كنت انا بدافع عنها واقول له حرام ما تقولش عليها كده احنا ملناش دعوه بيها وهي بعيده كده كده عننا هم كانوا اول مره يشوفوا بعض يوم فرحي بس لان انا من المنيا هي كانت عايشه في القاهره لما والدتها اتوفت جت عاشت في المنيا فبقت تروح عند جوزي المحل وكده ومشيها بقى وحش والعيله كلها قطعتها ومحدش بقى بيكلمها بعد كده عرفت ان جوزي بيكلمها انا كنت رافعه عليه قضيه خلع وكنت عند والدتي عرفت من اخته ان هو بيكلمها وهو قال لها انا عايزك وخدها الشقه بتاعتي كان عايز منها حاجه قله ادب وقعدوا فتره بيروحوا يظهروا في الشقه ياكلوا ويشربوا ويسهروا قعدوا مع بعض حوالى 20 يوم بيعملوا كده هو ديله نجس بتاع حريم بس ما كنتش اعرف ان الو,ساخه توصل معاه لكده هو كان عايز يغيظني ببنت خالتي فراحت هي استغلت الفرصه عشان هي ما كانش لها مكان وكانت قاعده عند صاحبتها يعني يعتبر في الشارع راحت قالت له انا مش همشي من الشقه ثاني وقالت له انا عايزه اعيش معاك اتجوزني انا ما ليش حد وعملت عليه شويه صعبانيات وهو فعلا ما رضيش يمشيها من الشقه ثاني وقاعدها في شقتي على عفشي وحاجتي حتى هدومي كان واخدها مني وعرفت بعد كده ان هي بتقطع لي هدومي وبقت بتبعت لي رسائل شتيمه وبتغيظ فيا وبتحرق دمى وبتحرق قلبي وتقول لي انا قاعده على فرشك واخذت منك جوزك عشان احرق قلبك عليهم كنت انا ساعتها القضيه حكمت وخلعته بس هي برغم كده حتى بعد ما خلعته هي عارفه ان انا كنت بحبه انا كنت رفعت عليه قضيه عشان كان رماني في الشارع وغدر بيا كان نفسي اكسره واعمل اي حاجه ما كانش قدامي غير ان انا ارفع عليه خلع وكان عندي استعداد ارجع تاني بس لو ما كانش حصل كل ده بس هي دخلت بوظت كل حاجه وهي رضيت ووافقت وقبلت ان تقعد على فرشي وعلى حاجتي وتظلمني وهو كان موافقها على اللي بتعمله معايا بعد كده انا دخلت في حاله اكتئاب كثير كذا مره وكنت بنتحر كثير وكانت بتفشل ما عرفتش اخد حق منهم لغايه دلوقتي انا بقى لي ثلاث سنين ما عرفتش اخذ حقي وهم لسه مع بعض وقاعدين في شقتي وعلى فرشتي هم مش متجوزين رسمي كاتبين ورقتين عرفي ودلوقتي عرفت ان هي حامل منه وهو مش عارف يسجل العيل باسمه عشان مش هيكتبوا رسمي انا كنت هرجع انا وهو بس هي دخلت لخبطت حياتي ولغبطت الدنيا خالص انا حاولت ان انا ارتبط واتخطب عشان اغيظه وعشان انساه بس ما عرفتش فهو جوزي لما عرف ان انا كنت هتخطب قال لي انت ما لكيش حق عندي مدام عرفتي واحد ثاني غيري قلت له ده حقي انا هفضل مستنياك وانا قاعده بتفرج عليك انت وبنت خالتي مع بعض قال لي اه كنت استنيتيني وفضلت قاعده هما مش حاسين بالذنب ومش حاسين انهم ظلمونى انا اتخطبت فتره وفشكلت لان انا كنت لسه بحب جوزي برغم اللي عمله فيا بنت خالتي دي ليها ابن مش من جوزي من جوزها الاولاني هي رمت ابنها عند جدته ام باباه والولد بيشحت في الشارع خافت جوزي يرميها في الشارع عشان ابنها راحت رمت ابنها في الشارع مقابل ان هي ما تسيبش جوزي ما صدقت مسكت فيه يعني حتى ما لهاش خير في ابنها وهو كمان سايب لي ابني مش بيبعت لي مصاريف ولا بيسال في ابنه هو من حوالي سنه ونص كده او سنتين خد مني ابني قعد عنده شهرين وعرفت ان بنت خالتي كانت بتضربه وبتلسعه وبتعذبه وتقول له اوعى تقول لابوك وهو عشان صغير كان بيخاف يقول لابوه حاجه انا ما كنتش عارفه اوصل لابني وبعد كده حصلت مشاكل كثير وخدت ابني ولقيت في كل الحاجات دي ورحت عملت قضيه تعذيب لطليقي وليها هي وخد كل واحد فيهم شهر حبس فانا دلوقتي عايزه اعرف هم فعلا كده ظلموني ووجعوني وغدروا بيا وكسروني انا كل اللي عملته ان انا كنت ببعت لهم رسائل واقول لهم مش مسامحاكم حسبي الله ونعم الوكيل فيكم ده حقي وهم يقولوا احنا ما عملناش فيكي حاجه ومش معترفين بذنبهم ولا اللي عملوه فيا انا مقهوره ومكسوره وموجوعه قوي على اللي هم عملوه فيا وان انا لغايه دلوقتي ما عرفتش اخد حقي وهم عايشين احلى عيشة 😭💔
